Piasëinsa

Piasëinsa (Italian: Piacenza) l'é un cumoin ad 99.150 abitant, capitäla d' una pruvincia c' la g'ha 'l stés num. Misa zu tra Emilia e Lumbardia, la citä e la so pruvincia i sëintan a bota l'inflüëinsa d' Milan: i en culegä a la so region ecunomica par tant mutiv e in d' la storia i g' han daspës ligä i so dëstëin.

[modifica] Geugrafìa

Piasëinsa l'é in d' la Pianüra Padana a 61 metar in sal livél dal mär e l'é nasì in s' la riva destra dal Po, in dua i van föra al Trebia a ovest e la Nür a est ad la citä.

Pö o menu a 15 chilòmetar in vër süd, i tacan i "Colli Piacentini" (Culëini Piasintëini), 'l prinsipi d' l'Appennino Ligür. La so pusision geugrafica la g'ha sëimpar fat la so furtoina militära e l'ha fata dvintä impurtanta par ves un sid in dua i s'incrùsan la feruvìa e i autusträ.

[modifica] I sid interesant

Piasëinsa l'é 'na citä d'ärt, e la g'ha un gran patrimonii artistic, par via d'la so storia milenäria.

[modifica] I palasi

I s' pölan truä bota palasi nubiliär cun un gran valur ch' i g'han belisim giardëin. Piasëinsa a l'é una "Citä ad palasi" posé ca tüt i ätar ad la Val Padana. Vist ca la gh'era mia 'na curt fissa (al Palass Farnés l'é mia stä sëimpar al sëintar d'la famiglia parchè dop d'un sert periud la capitäla dal dücä l'é stä spustä a Pärma), atsé i nobil i han pudì fä vëd la so pusisiòn cun i so opar architetonich. I posé impurtant i en:

• Palasi Mulazzani
• Palasi Scotti
• Palasi Landi
• Palasi Costa
• Palasi Somaglia

Ätar palassi ch' i dan blësa e impurtansa a la citä i en:

• al Palasi Gotic (al ver num al sarìs Palasi Comünäl)
• al Palasi Farnés

Ätar palassi ch'i s' pölan ricurdä i en:

• Palasi dal Guernatur
• Palasi di Mercant

I palassi Gotic, dal Guernatur e di Mercant i en in d'la Piasa Caväi, ca l'é sëimpar stä cunsiderä al sëintar d'la citä e d'la so vita. La piasa la ciapa al num dai dü statui ad Ranuccio e Alessandro Farnés in s'i caväi, c' l'ha fat Francesco Mochi in dal perìud tra 'l 1612 e 'l 1628.

[modifica] Il ces

• Al Dom
• La cesa ad San Francesco
• La basilica ad Sant'Antunëin
• La basilica ad San Savëin
• San Giuàn in Canäl
• Santa Maria d' Campagna
• San Sisto
• San Sepùlcar
• Sant'Agustëin

[modifica] Teatar, müsei e üniversitä

• Al Teatar Münicipäl inaugürä in dal 1804, l'é stä custrüì al post dal Teatar d'la Citadela ca l'äva tacä fög e l'é stä distrügì in dal 1798.
• In dal Palasi Farnès i s' pölan truä i Müsei Civich ad Palasi Farnés
• Al Müseo ad Storia Natüräla ca l'é in dal Palasi Scotti
• In d'la citä a s' pöl truä anca la Galeria d'Ärt Muderna "Ricci Oddi", vüna dil principäli d'Italia.
• I en impurtant anca la Biblioteca Comünäla Passerini-Landi e pö d' tüt al Culeg' Alberoni
• In citä i gh'en anca 'na sede d'l Üniversitä Catolica dal Sacar Cör ad Milan, vüna dal Pulitecnic ad Milan e a s' pöl truä anca al Cunservatori ad Müsica "Giuseppe Nicolini"

[modifica] Ecunumia

La fera d' Piasëinsa l'é vüna dil pö antig d'la region Emilia-Rumagna. Al növ cumples espusitiv c'a l'é apena föra d'la citä, ades l'é gestì da Piacenza Expo. Vöin di vant ad Piasëinsa l'é ca l'era stä la prima sede d'la Federconsorzi, fundä in dal 1892, ca l'é mäi pö andä in crisi dop un secul ad vita.

[modifica] Trasport

La pusision d'la citä tra Türëin, Bulogna e Genua e al fat ca g'he taca Milan i han fat dvintä Piasëinsa un impurtant sëintar feruviäri e d' l'autusträ. Par Piasëinsa i g' pasan l'autusträ A1 (Milan-Napul) e l'autusträ A21 (Türëin-Piasëinsa-Brësa) Par al trasport aereo, i aeruport püsè taca i en l'Aeruport ad Pärma e i tre aeruport lumbärd: Aeruport ad Miln-Malpensa, Arport ad Milan-Linate e l'Aeruport ad Bergam-Orio al Serio, taca a Bergam.

[modifica] Sport

A Piasëinsa i gh'en il squädri ad balon Piacenza Calcio, ad pallavolo ad Serie A1 Copra Volley Piacenza. I gh'en anca dü squädri ad Rugby, ca i en asè famus: 'l Termoraggi Piacenza Rugby e al Piacenza Lyons Rugby. In dal baseball Piasëinsa l'é rapresentä dal Piacenza Baseball e dai Red Devils Piacenza, in d'la pallacanestro da l'Unione Cestistica Piacentina, e in d'la pallanuoto da la Rarinantes Everest.

[modifica] Persunag' famus

La citä e la pruvincia, teatar natüräl ch' i g' sävan cär a di grand om, tant cmé a Ernest Hemingway, i han vist nasì tant parson impurtant.

I püsè famus ad Piasëinsa citä i en i sant Curäd Confalonieri e Gerärd, al Papa Gregori X, al cardinäl e Prim ministar ad Spagna Giulio Alberoni, al literä Pietro Giordani, al scritur e pulitich Melchiorre Gioia, al stilista Giorgio Armani, i sügadur d' balon Filippo e so fradél Simone Inzaghi, al suciologo Francesco Alberoni, al futografo Oliviero Toscani, al regista d' la television Beppe Recchia, e i cantant Fiordaliso e Gianni Pettenati.

I en nasì in pruvincia al regista Marco Bellocchio, al patinadur Ippolito Sanfratello e l'attrice Isabella Ferrari. Sert stüdius i disan ch'al navigatur Cristofar Culomb (Cristoforo Colombo in italian) al sia nasì a La Bëtla.

Piesänza (Piacenza in itagliàn) l'é na cmònna ed 99.150 abitànt, capitèla d'na pruvénzia c' l à al stèss nomm. Stratta stra l'Emégglia e la Lunbardî, la zitè e la so pruvénzia ali sénten 'na mòccia d'l influänza ed Milàn: ali én culeghè a la so regiån ecunòmica par tant mutîv e in d' la stòria î àn spès lighè i låur destén.

[modifica] Geografî

Piesänza l'è in d' la Basa Padèna a 61 meter in vatta al livél dal mèr e l'é nè såura alla riva dèstra dal Po, indòvv i van fòra al Trebia a sîra e la Nür a maténna d'la zitè. Stra sé e nå a 15 kilométer pio sò, i tachen i "Colli Piacentini" (Culén Piasinténi), al cminzéppi d'l Apenén Léggur. La so pusiziån geografica l a sänper fat la so furtònna militèr e l'à fata advintèr impurtanta pr al fat ch'l è un sît indòvv i s cråusen la ferovî e ali autostrè.