Gjirokastra
Oddi ar Wicipedia
Dinas hynafol yn ne Albania yw Gjirokastra neu Gjirokastër (Groeg: Αργυρόκαστρον, Argyrókastron; Aromaneg: Ljurocastru, Eidaleg: Argirocastro, Twrceg: Ergiri). Mae ganddi boblogaeth o tua 34,000. Mae'n ganolfan weinyddol Ardal Gjirokastër a Swydd Gjirokastër. Rhestrir ei hen ddinas yn Safle Treftadaeth y Byd gan UNESCO fel "enghraifft brin o dref Otomanaidd mewn cyflwr da, a godwyd gan ffermwyr cefnog". Wedi ei lleoli yn ne'r wlad, 300 medr uwch lefel y môr, gorwedd Gjirokastra mewn lleoliad hardd mewn dyffryn ffrwythlon rhwng mynyddoedd uchel y Gjerë ac afon Drin neu Drinos. Dominyddir y ddinas gan gastell canoloesol mawr (Kalaja e Gjirokastres) gyda rhannau o'r muriau yn dyddio yn ôl i gyfnod y Rhufeiniaid.
Gorwedd Gjirokastra yn agos i'r ffin rhwng Albania a Gwlad Groeg, i'r de, yn ardal Epiros, ac fe'i hystyrir yn brif ganolfan y gymuned Roegaidd yn Albania. Daw'r enw Albaneg presennol o'r hen enw Groeg, Argyrokastron, sy'n golygu "Castell/Caer Arian".
Brodor enwocaf y ddinas, efallai, yw'r cyn unben Enver Hoxha, arweinydd Albania yn y cyfnod Comiwnyddol.
[golygu] Dolen allanol
- (Saesneg) Gjirokastra Arlein
|
Dinasoedd Albania |
 |
|---|---|
|
Apollonia · Bajram Curri · Ballsh · Berat · Bilisht · Bulqizë · Burrel · Butrint · Cërrik · Çorovodë · Delvinë · Durrës · Elbasan · Ersekë · Fier · Fushë-Krujë · Gjirokastra · Gramsh · Himarë · Kamzë · Kavajë · Këlcyrë · Klos · Konispol · Koplik · Korçë · Krujë · Krumë · Kuçovë · Kukës · Laç · Lezhë · Libohova · Librazhd · Lushnjë · Maliq · Mamurras · Mavrovë · Memaliaj · Patos · Peqin · Peshkopi · Përmet · Pogradec · Poliçan · Pukë · Rrëshen · Rrogozhinë · Roskovec · Sarandë · Selenicë · Shëngjin · Shijak · Shkodër · Tepelenë · Tiranë · Tropojë · Valbonë · Vlorë |
|
