Путин Владимир Владимирович

Википедири материал

Владимир Путин

Путин Владимир Владимирович, — политик, Раççей патшалăхĕн президенчĕ. 1952 çулхи юпа уйăхĕн 7 Ленинград хулинче çуралнă. 2000 çулхи çу уйăхĕн 7 пуçласа Раççей патшалăхĕн президенчĕ вырăнне йышăнать.

Вырăс чĕлхисĕр пуçсăр акăлчан тата нимĕç чĕлхисене пĕлет. Арăмĕ Путина Людмила Александровна. Икĕ хĕр ӳстереççĕ: Мария (1985 çулта çуралнă) тата Катерина (1986).

[тӳрлет] Пурнăçĕ

1975 çулта Ленинградри патшалăх университетне вĕренсе пĕтерсе КГБна ĕçлеме кĕнĕ. 1985-1990 çулсенче ГДР патшалăхĕнче службăра тăнă.

1999 çулхи çу уйăхĕнчен пуçласа Раççĕй Федерациĕн Правительствин председатель вырăнĕнче ĕçленĕ. 1999 çулхи раштавăн 31 хыççăн, Ельцин Борис Николаевич президент вырăнне пушатнă хыççăн Раççей президенчĕн ĕçне тăвакан вырăна йышăннă. 2000 çулхи пуш уйăхĕн 26 Раççей патшалăхĕн президенчĕ вырăнне суйласа илнĕ. Президент вырăнне йышăнни 2004 çулхи çу уйăхĕн 7 вăя кĕнĕ.

2004 çулхи пуш уйăхĕн 14 иккĕмĕш срока суйласа илнĕ. Президент вырăнне йышăнни 2004 çулхи çу уйăхĕн 7 вăя кĕнĕ.

2008 çулхи çу уйăхĕн 8-мĕшĕнче премьер-министр вырăнне суйланă. Ку вырăна йышăнма ăна çу уйăхĕн 7-мĕшĕнче президент вырăнне ларнă Медведев Дмитрий Анатольевич сĕннĕ. Сасăлавра 392 депутат президент сĕнĕвĕпе килĕшнĕ, 56 депутат хирĕç пулнă.