Икерчĕ
Википедири материал
Икерчĕ — шĕвĕк чустаран çатмара ăшăланă апат-çимĕç.
[тӳрлет] Рецепт тĕслĕхĕсем
[тӳрлет] Икерчĕ
Çĕпрене ăшă шывра е сĕтре ирĕлтермелле, тăвар, сахăр песокĕ, çăмарта тата çăнăх хушса лайăх хутăштармалла. Унтан чуста çине ирĕлтернĕ çу хушса çăрмалла та ăшă çĕре хăпарма лартмалла. Хăпарсан чустана лăкаса илмелле, тепре хăпарсан пĕçерме те юрать. 1 кг шурă çăнăх, 2 кашăк сахăр песокĕ, 2 çăмарта, 6 стакан шыв е сĕт, 3 кашăк ирĕлтернĕ услам çу, 40 г çĕпре, 1,5 чей кашăкĕ тăвар кирлĕ.
[тӳрлет] ĂШЛĂ ИКЕРЧĔ
Çăмартана, тăвара, сахăр песокне, çемçе çăва пăтраштармалла, унтан шыв е сĕт, каярах çăнăх хушмалла. Лайăх пăтраштармалла. Чуста шĕвĕ пултăр. Çупа сĕрнĕ вĕри çатма çинче çӳхе икерчĕсем пĕçермелле. Ăшлăхсем хатĕрлемелле. Ашран. 400 г пĕçернĕ ĕне ашне (мясорубка витĕр кăлармалла), икĕ кашăк услам çăва, туранă çур пуç сухана, 1-2 пĕçернĕ çăмартана (турамалла) тата тăвара хутăштармалла.
