Tugpahanan
Gikan sa Wikipedia, ang gawasnong ensayklopedya
Ang tugpahanan (Iningles: airport) usa ka estruktura aron makatugpa ang mga eroplano, helikopter, ug uban pang mga aircraft sa usa ka lugar. Puyde kini pangpubliko, pribado o sa militar.
Ang pinakasimple nga tugpahanan adunay bisan usa ka runway, helipad (luna para sa helicopter), ug adunay hangar ug mga terminal.
Ang tugpahanan para sa abyong militar gitawag ug "airbase" o "airstation".
Ang mga dako nga mga tugpahanan, tungod sa kadaghan ug mga pasahero, kasagaran adunay mga tindahan o kan-anan. Ang uban aduna sa'y mga tugpahanan para sa mga seaplane, air traffic control, ug kinaugalingon nga kapulisan.
Ang Mactan-Cebu International Airport ang labing dako ug labing busy nga tugpahanang pangpubliko sa Sugbo.
[usba] Seguridad
Tungod sa mga hulga sa mga terorista, pagpahuyot, ug pang-hijack, ang mga tugpahanan gikinahanglang adunay igong seguridad. Ang komun nga gigamit sa mga tugpahanan mao ang mga x-ray machines, mga detektor sa mga metal, mga bomb-sniffing nga iro, ug mga linain nga Pulis pang Tugpahanan (Airport Police).