Timbroù Postoù Manav
Diwar Wikipedia, an holloueziadur digor
Enoret eo bet banniel Breizh en un doare dic’hortoz gant Postoù Manav pa ‘z eus bet lakaet er-maez d’an 12 a viz Mae 2008 ur rummad timbroù gouestlet d’an « Etrekeltiegezh ».
Bannieloù Breizh, Bro-Skos, Kembre, Iwerzhon, Enez-Vanav, Kerne-Veur, Galiza ha Bro-Astur zo danvez 8 timbr liesliv o kinnig ivez ur frazennig-stur e yezh ar vro. Dindan ar Gwenn-ha-du da skouer e c’heller lenn Hep brezhoneg Breizh ebet. Klotañ a ra an degouezh-se gant diviz Aozadur ar Broadoù Unanet (ABU) a embanne lesanvet 2008 « bloavezh etrebroadel ar yezhoù ».
Ar wech kentañ eo ez eo roet an tu da welout skeudenn banniel broadel Breizh war un timbr embannet gant postoù ur gouarnamant.
Liamm : http://www.gov.im/post/stamps/FutureIssue.aspx?categoryid=164