Timbroù Kirgizstan
Diwar Wikipedia, an holloueziadur digor
Emañ Republik Kirgizstan e kreiz Azia. Ur Republik eus an Unvaniezh Soviedel eo bet, dindan an anv Kirgizia, a-raok ma vefe torret e liammoù gant Moskou e 1991.
Betek ar bloaz-se ez eus bet implijet eno timbroù an Unvaniezh Soviedel. Un darn anezho zo gouestltet d’ar Republik azian, da skouer e 1951 (25vet deiz-ha-bloaz Kirgizia), e 1957 (40vet deiz-ha-bloaz Dispac’h miz Here 1917), e 1960 (an dispac’hour M. Frounze), e 1962 (ar barzh Togolok Moldo), e 1963 (kantved ar stagidigezh), e 1968 (menezioù)…
Kirgizstan a embann bezañ dizalc’h e miz Eost 1991, met an timbroù kentañ a vo lakaet e gwerzh e miz C’hwevrer 1992.
Gant lizherennoù kirilleg ha latin war ur dro eo skrivet anv ar vro war bep timbr, nemet ne vez ket doujet ouzh a reolenn-se gant ar velestradurezh dalc’hmat, an anv Kirgizstan o vezañ pe e latin pe e kirilleg nemetken a-wechoù.
E miz Ebrel ha miz Even 1993 ez eus bet lakaet er-maez timbroù rusian soulgarget gant un dalvoudegezh e roubl, hag e miz Eost timbroù e moneiz ar Stad (tyiyn).
Melestradurezh Kirgizstan he deus ranket taliñ ouzh an embann timbroù faos, savet gant embregerezhioù prevez evit abegoù kenwerzhel hepken. An dastumerion a ranko diwall ouzh o frenadennoù neuze…
[kemmañ] Liammoù
- Roll an timbroù faos dindan anv Kirgizstan Notices of illegal issues
- Chomlec’h : State enterprise Kyrgyz stamp
42, St. Isanova, Bishkek 720017 Kyrghyz Republic
- Posteloù : kyrgyzmarka@netmail.kg - kgstamps@elcat.kg
