Piran

Diwar Wikipedia, an holloueziadur digor

Tennañ a ra ar pennad-mañ da Sant Piran, paeron Kernev-Veur. Evit sterioù all, sellit ouzh Piran (digejañ).

Sant Piran, pe Peran, pe Perran, zo anv ur manac'h eus Enez Vreizh er VI-vet kantved, bet desket e manati Llanilltud Fawr e Kembre.

Taolenn 1 Marteze eus Iwerzhon 2 Sant paeron 3 Anvioù-lec'hioù 4 Banniel Sant Piran 5 Mojennoù 6 Liammoù diavaez

[kemmañ] Marteze eus Iwerzhon

Tud zo a lavar e teue eus Iwerzhon, hag ez eo ar memes anv sant evel an iwerzhonad Ciarán eus Saighir. Arguzennoù zo:

• Iwerzhoniz arall zo bet tremenet dre Llanilltud.
• Klotañ a ra ar "p" predenek ha "c" gouezelek.

Met n'eus ket emglev etre an arbennigourion: ur chapel sant Piran zo bet e Kerdiz, ha kement-se a brouje e oa Kembread, hervez un istorour. Re all a wel ur sant Ciarán all

[kemmañ] Sant paeron

Sant paeron ar vengleuzerien eo Piran. Hini Kernev-Veur eo hiziv ivez, goude ma vez roet an titl-se da Sant Mikael ha sant Petroc kenkoulz all. D'ar 5 a viz Meurzh e vez goueliet ar sant, un devezh a bouez e Kernev-Veur, ha bannieloù sant Piran, ar banniel broadel, a vez gwelet a-leizh er vro en deiz-se.

[kemmañ] Anvioù-lec'hioù

E anv a gaver

• e Porthpyran en Kernev-Veur, e saozneg Perranporth
• e Perranzabulo ur gêriadennig eus , ma voe savet e vanati, Lanpiran, gantañ, a-hervez,
• e parrez Sant-Peran en Il-ha-Gwilun.

[kemmañ] Banniel Sant Piran

Banniel sant Piran eo anv ar banniel broadel, gant kroaz sant Piran warnañ, ur groaz wenn e-kreiz ur banniel du, damheénvel ouzh banniel Breizh kozh, a oa gwenn gant ur groaz du..

[kemmañ] Mojennoù

Meur a vojenn a vez kontet diwar-benn ar sant.

• Hervez homañ e varvas Piran pa gouezhas en ur puñs goude ur c'horfad, ken mezv e oa. Ma vez lavaret hiziv c'hoazh: "ken mezv evel ur Piraner". Tud zo a garfe ober anezhañ sant paeron al lonkerien ivez.

[kemmañ] Liammoù diavaez

• Early British Kingdoms: St. Piran, Abbot of Lanpiran
• St. Piran: Keeping the Faith
• St Piran's holiday
• St. Piran's events
• St. Piran's celebrations
• St. Piran's Day in Truro
• The Cornish Gorseth
• St. Piran's Oratory - Morley B Collins, 1910
• St Piran Trust website