Kerzu 2005 e Breizh
Diwar Wikipedia, an holloueziadur digor
| Bloavezhioù : ../.. 1999 2000 2001 2002 2003 2004 - 2005 - 2006 2007 2008 2009 2010 2011 ../.. |
|
| Dekvedoù : 1980 1990 - Bloavezhioù 2000 - 2010 - 2020 |
|
| Kantvedoù : XXvet kantved - XXIvet kantved - XXIIl kantved Kronologiezh dre viz : Kronologiezh dre ranndirioù : Kronologiezh dre demoù : Marvioù : |
|
Kronologiezh vloaziek evit Breizh
- 2004 e Breizh - 2005 e Breizh - 2006 e Breizh
- Kregiñ a ra ar CMB da erlec'hiañ e vilhedaouerioù kozh gant bilhedaouerioù teiryezhek (galleg, brezhoneg, saozneg) nevez. Lañset tri bloaz zo e lec'hioù zo ez eus bet divizet gant ar bank breizhat kinnig ar servij e pep lec'h e Rannvro Breizh. Un araokadenn evit ar brezhoneg, disoc'h ur c'henlabour etre ar bank hag Ofis ar Brezhoneg.
[kemmañ] Sadorn 10 Kerzu
- E-tro 60 a dud galvet gant ar strollad Ai'ta zo bet o kemer perzh en ur fest-deiz stourm e porzh-houarn Gwengamp evit ma vo implijet hor yezh e tiez-gar ar vro. Aozet ez eus bet ur vanifestadeg heñvel evit an euskareg d'an hevelep deiz e Baiona gant Euskariz
[kemmañ] Sul 11 Kerzu
- Gouel 20vet deiz-ha-bloaz ar gevredigezh Kentelioù an Noz e Gwerzhav. Oberiant eo ar gevredigezh naonedat-mañ war dachenn ar c'helenn brezhonek d'an oadourien dreist-holl.
[kemmañ] Lun 12 Kerzu
- Nac'hañ a ra rener ajañs Brest-Arsellva an AVAL (ANPE) embann ur c'hinnig labour divyezhek a-berzh ar skingomz Arvorig FM. Sevel a ra ar strollad politikel breizhek UDB a-enep.
[kemmañ] Yaou 15 Kerzu
- Nac'hañ a ra ar gazetenn bemdeziek Ouest France embann ur gemennadenn gañv e brezhoneg da-geñver marv an Itron Langleiz.
[kemmañ] Lun 19 Kerzu
- Manifestadeg implijidi Frañs 3 Hirwazh e Brest evit enebiñ ouzh an adkreizennañ e France 3. Klemm a reont pa'z eus bet divizet gant Pariz lemel kuit an abadennoù lec'hel e-pad pemzektez, da-geñver ar gouelioù dibenn-bloaz. Gervel a reont d'ur pik-nik manifestiñ dirak peulskingaser skinwel arouezel ar Roc'h Tredudon e Menez Arre a oa bet lakaet da darzhañ gant an FLB evit goulenn ur skinwel e brezhoneg.
[kemmañ] Merc'her 21 Kerzu
- Da-heul tagadennoù a-berzh enebourien d'ar yezh ez eus bet aozet un abadenn gelaouiñ evit ar gazetennerien ha tud ar vro, gant ar c'hevredigezhioù Bemdez (Gwened) ha Brezhoneg war-raok (Redon), dirak ti-kêr Ruvenieg, ur gumun bet nac'het an divyezhegezh ganti, evit harpañ diviz an departamant da staliañ ur panellerezh divyezhek war hentoù reter ar Mor-Bihan. Degemeret eo bet an dud gant maer ar gumun en deus embannet bezañ bet touellet gant kevredigezh Joseph Orhan hag enebourien ar brezhoneg.
- Da-heul nac'hadenn div ajañs eus an AVAL (ANPE) e Brest da embann kinnigoù labour divyezhek e c'houlenn ent ofisiel ar strollad breizhek UDB ouzh prefedez rannvro Breizh d'ober a seurt ma ne vo ket graet gaou d'ar brezhoneg ken gant ar servijoù publik.
[kemmañ] Yaou 22 Kerzu
- Dinan : Nec'het-bras eo Jean-Yves Krogenneg, prezidant skol Diwan Dinan, pa'z eus bet divizet gant kuzul-kêr Dinan pevarc'hementiñ feurm ar skol a dremenfe eus 3000 da 13 000 €. Seurt diviz a laka en arvar bezañs ar skol war grenn dermen rak ne vo ket ar gerent evit paeañ sammadoù ken bras evit ur skol digoust. 6 den, en o zouez tri skolaer, a vez implijet gant ar skol zo nevez bezañ anavezet gant ar Stad goude 5 bloaz mont en-dro. 40 bugel zo er skol bremañ ha kreskiñ a ra an niver anezho. Un taol fall eo evit ar brezhoneg e bro-Dinan.
[kemmañ] Sadorn 24 Kerzu
- Roc'h Tredudon : E-tro 100 a dud o vanifestiñ dirak ar peulskingaser arouezel bet lakaet da darzhañ gant an FLB e 1974 war-lerc'h galv implijidi Frañs 3 Hirwazh a-enep da youl adkreizennañ ar renerezh kornôgel ha parizian.
[kemmañ] Marvioù
- 13 Kerzu : Itron Langleiz, gwreg ar skrivagner hag arzour Zavier Langleiz, savet ganti priz lennegel Langleiz.
- 27 Kerzu: Jacques Tilly, bet maer Gwerliskin, embregour, brezhoneger kar-e-vro
