Inkane
Diwar Wikipedia, an holloueziadur digor
Un inkane a zo, pe a oa, ul loen-kezeg bihan, ur gazeg kentoc'h, sioul ha reizh, aes mont warni, dizañjer, evit an dimezelled. Dont a ra ar ger eus ar ger gallek kozh haquenée moarvat, nemet e vije eus ar stumm saoznek hackney.
Taolenn |
[kemmañ] Orin ar ger
Diasur eo orin ar ger. Hervez lod e teufe ar ger gallek eus ur ger saoznek kozh, hackney, hervez lod all e teufe ar ger saoznek hackney eus ur ger gallek kozh.
- Dont a rafe ar ger gallek haquenée eus ar ger saoznek hackney, kazeg desket da gerzhout, a vije e orin en ur vourc'hadenn anvet Hackney er reter da Londrez, brudet ar c'hezeg savet eno.
- Gallaoued zo a gont e teu an anv eus Normaned anvet Haquenée, aet da Vro-Saoz da-heul Gwilherm an Alouber, hag a voe saoznekaet o anv en Hackney.
- Bezet a vezo, er Grennamzer e oa ur gazeg reizh, a ouenn saoz, krouet war-dro ar bloavezh 1300, a gerzhe plaen, desket dezhi sevel an daou bav war ar memes kostez. Ral e oa an inkaneed, ha ker e koustent evel-just. Klask e veze warne da reiñ d'ar merc'hed a renk uhel.
Pa'z a war-raok ur marc'h dre sevel an daou bav war ar memes kostez ez a d'ar paz inkane.
[kemmañ] Hiriv, ur ouenn
Ur ouenn kezeg saoz zo anvet "hackney" hiziv. Ur ouenn da sachañ karroñsoù ha da drotal eo. N'int ket evel inkaneed ar Grennamzer eta.
[kemmañ] Gwelout
- Ar ganaouenn [[:br:wikiquote:Son_an_inkane_gwenn|an inkane gwenn]]
[kemmañ] Lennadurezh
- The Encyclopedia of Horses & Ponies, gant Tamsin Pickeral, Barnes & Noble Books, ISBN 0-7607-3457-7, p. 311.
