Gênes
Diwar Wikipedia, an holloueziadur digor
Departamant Gênes a oa un departamant gall e gwalarn Italia, da vare an impalaer Napoleon. Dont a ra an anv eus anv gallek ar gêr italian a zo Genova hec'h anv. Krouet e voe departamant Gênes e 1805 pa voe staget Republik Genova, anvet neuze Republik Ligurian, ouzh Bro-C'hall. Genova e oa ar pennlec'h. Rannet e oa an departamant e pemp arondisamant : Gênes (Genova), Bobbio, Novi Ligure, Tortona ha Voghera.
Diskaret e voe evel an departamantoù gall all war-lerc'h faezhidigezh Napoleon e 1814. Klasket e voe adsevel ar Republik Ligurian, met e Kendalc'h Vienna e voe roet douaroù Republik Genova da Rouantelezh Sardinia.
Rannet eo douaroù departamant Gênes hiziv an deiz etre proviñsoù Genova, Piacenza, Alessandria ha Pavia.