Маскоўскі раён, Мінск
З Вікіпедыя.
Маскоўскі раён, адміністрацыйны раён Мінска. Размешчаны ў паўднёва-заходняй частцы горада. Створаны ў 1977 у выніку кампаніі па разбуйненню раёнаў горада. Плошча: 2,4 тыс. га. Насельніцтва: 250 тыс. чалавек, шчыльнасць: 8,7 тыс. чалавек на км2, што ў 1,3 разы вышэй сярэднягарадского паказчыка. Нацыянальны склад: беларусаў — 82%, рускіх — 14%, украінцаў — 2%. На тэрыторыі раёна размешчаны Дом Урада, Мінгарвыканкам, ГУУС Мінгарвыканкама, восем міністэрстваў, пасольствы.
[правіць] Эканоміка
45 прамысловых прадпрыемстваў з агульнай колькасцю працаўнікоў 16,5 тыс. чалавек. Найбольш буйныя з іх ААТ «Белмедпрэпараты», ААТ «Галантэя», заводы «Альмагор» і «Калібр», Мінскі камбінат сілікатных вырабаў, СП «Ле-Гранд», СП «Беліта», ТАА «Сівельга».
[правіць] Культурны ўплыў
На тэрыторыі раёна знаходзяцца вядучыя ўстановы адукацыі Беларусі: Беларускі дзяржаўны універсітэт, Беларускі дзяржайны педагагічны універсітэт імя Максіма Танка, Беларускі дзяржаўны медыцынскі інстытут. Тут размешчаны Дзяржаўны музычны тэатр Рэспублікі Беларусь, Нацыянальны акадэмічны тэатр імя Горкага, Рэспубліканскі палац культуры «Юнацтва», Міжнародны адукацыйны цэнтр.
У Маскоўскім раёне размяшчаюцца Рэспубліканскі эндакрыналагічны цэнтр, Беларускі навукова-практычны цэнтр «Кардыялогія», Рэспубліканская клінічная бальніца паталогіі слыху, голасу і мовы, 4-я і 9-я гарадскія клінічныя бальніцы.
 |
Адміністрацыйны падзел горада Мінска |  |
|---|---|---|
|
||
