Даўгерутэ
З Вікіпедыя.
Даўгерутэ (ням.: Daugeruthe; літ.: *Daugėrutis, *Daugerutis, *Daugirutis; Dangerutis[1]; ? — 1213, Вендэн) — князь літоўскі.
Упершыню ўзгадваецца пад 1209 ў Хроніцы Лівоніі Генрыха Латвійскага, паводле яго сведчанняў з'яўляўся "адным з найбольш магутных літоўцаў". Быў цесцем і саюзнікам Усевалада Герцыкскага. У 1213 Даўгерутэ ездзіў у Вялікі Ноўгарад, верагодна, з мэтай заключыць саюз супраць немцаў у Лівоніі. На адваротным шляху быў схоплены і загінуў у затачэнні.[2] В. Насевіч выказаў меркаванне, што Даўгерутэ мог быць ананімным бацькам Міндоўга, якого Лівонская старэйшая рыфмаваная хроніка называе könig gros — вялікім каралём літоўцаў[3].
- ↑ Паводле Т. Нарбута.
- ↑ Генрих Латвийский... С. 113, 149.
- ↑ Насевіч В. ...
Генрих Латвийский. Хроника Ливонии. – М.; Л., 1938. С. 113, 149. • Насевіч В. Пытанняў больш, чым адказаў // Беларускі гістарычны агляд. Т. 5. Сш.1(8). Мн., 1998. С. 210–226. Рэцензія: Краўцэвіч А. Стварэнне Вялікага княства Літоўскага. Мн.: Беларуская навука, 1998. 208 с.