Tītovienā
Straipsnis ėš Vikipedėjės, encikluopedėjės žemaitėškā.
Tītovienā | |
---|---|
Valstībė: | Lietova |
Savėvaldībė: | Kelmes rajuona savėvaldībė |
Giventuojē (2007): | 2 716 |
Tītovienā (lt: Tytuvėnai) - miests Žemaitijuo, Kelmes rajuonė, 17 km i rītus nu Kelmes. Miests tor senionėjes statos, tep pat īr apīlinkiū senionėjes cėntros, regijuonėnė parka dėrėkcėjė. Miestė īr Švč. Mergeles Marėjės bažninčė (pastatīta 1633 m.), bovės bernardiniū vėinuolīns ė anuo ansomblis (XVII a. pradė - XVIII a. pabaiga, vėins dėdngiausiū baruoka paminklū šiaures rītū Europuo), īr gėmėnazėjė. Urėdijuo īr moziejėnė ekspodėcėjė.
Nu 2004 m. Tītovienūs vasar vīkst tarptautinis menū festivalis. Rugsiejė mienės' vīkst maldėninkū eitīnes i Šėlov.
Miesta pėitinie dalie telkša Brėdvaiše ežers. Už miesta rondas gel. stotėis gīvenvėit.
[taisītė] Ėstuorėjė
Tītovienū dvars mėnavuojams jau nu 1500 metū. 1555 m. pastatīta pėrmuoji bažninčė, dvara invėntoriou mėnavjuomas miėstielis. 1633 m. pastatīta Švč. Mergeles Marėjes bažninčė ė vėinuolīns. 1724 m. Augusts II soteikė kasmetėne torgaus privilegėj.
XX a. pradžiou Tītovienā bova garsos Lietovuos kuruorts. 1956 m. Tītovienā gava miesta statos. 2002 m. rogpjūtė 19 d. Prezidėnta dekreto patvirtints miesta herbs.