Skouds
Straipsnis ėš Vikipedėjės, encikluopedėjės žemaitėškā.
Skouds | |
---|---|
Valstībė: | Lietova |
Savėvaldībė: | Skouda rajuona savėvaldībė |
Giventuojē (2006): | 7 508 |
Skouds (lt: Skuodas) - īr miests Klaipiedas apskritie. 80 km i šiaur nu Klaipiedas i 2 km i pėitus nu Latvėjes sėinas. Miests tor seniunėjes status, tep pat īr apīlinkiū senionėjes cėntros.
Pru Skoud tek Bartova, čė ana īr patvėnkta, dėltuo miesta pėitvakariūs telkša Bartuvuos tvėnkinīs. Vakarėnio pakraštio ein Kretinguos - Priekoles gėlžkėlis. Pagrėndėnē miestā pastatā sotelktė miesta cėntrė: Švč. Trejībes bažninčė, Skouda moziejos, pašts, koltūras nomā, savėvaldībė, kėik i šiaur' - rajuona cėntrėnė lėguonėnė, īr globuos nomā. I šiaur' nu miest i Bartov itek Louba, vuo ritinis miesta pakraštīs ein Loubas kairioujo intako - Pošopio.
Skouds īr pėrmasis miests Lietuvuo katras nosprendė rajuona savėvaldībes puosėdius vestė ne lietuviū, vuo žemaitiū kalba.
Torėnīs |
[taisītė] Ėstuorėjė
Pėrma karta Skouds pamėnavuots 1253 metās (kāp Scoden, Sckoden) - tumet uns priklausė Cekle žeme. 1259 m. čė ivīk Lietuvuos ė Livonėjės mūšės - Skouda mūšės. 1572 m. gava miesta teises, vėliau miesta valde Sapiegas. 1914 m. notėists gelžkėle ruožos - Rīga-Klaipieda. 1992 m. gegožes 6 d. Lietuvuos Respublikas Atkoremuoses Tarības notarėmo patvėrtėns miesta herbs.
[taisītė] Pavadėnėma kilmie
Miesta pavadėnėms kėla nu asmenvarde, da i daba tebesontes pavardies Skouds.
[taisītė] Švėitėma ė ogdėma īstaigas
- P. Žadeike gėmėnazėjė
- Bartuvuos vėdorėnė muokīkla
- Pradėnė muokīkla
- Lopšielis-daržielis