Salontā
Straipsnis ėš Vikipedėjės, encikluopedėjės žemaitėškā.
| Salontā | |
|---|---|
  |
|
| Valstībė: | Lietova |
| Savėvaldībė: | Kretingas rajuona savėvaldībė |
| Giventuojē (2007): | 1 860 |
Salontā (liet. Salantai) - miests Kretingas rajuonė, abėpos Salont opes (Mėnėjes ėntaka), 31 km i šiaures rītus nu Kretinguos. Miests tor senionėjės statos, tep pat īr Imbares senionėjės cėntros. Miestė rondas Švč. Mergeles Marėjes Ėmėma i Dongo bažninčė (pastatīta 1911 m.), veik trīs muokīklas: Salontū gimnazėjė, Salontū specialiuoji muokīkla (čė muokuomė vakā su nežīmio pruotėnio atsėlėkėmo) ė mena muokīkla (su mozėkas ė dailes skīrēs). Tep pat īr pašts, vakū daržielis, puolėcėjes nuovada, lėguonėnė, koltūras cėntros, puolėklėnaka, Salontū regijuonėnė parka dėrekcėjė, dvė vaistėnes, dvė degalėnes, daugiau kap 10 kreutuviū, dounas kepīkla, keles smolkes ėndėvėduales īmuones.
Gamtuos paminklos - 4,8 m. apimtėis Salontū kaštuons. Miesta gamtininks M. Ivanauskas sava privateme sklīpė laika egzuotinius paukštius ė žvieris. Do kraštuotīras moziejā: muokīkluo ė prėvatemė A. Gaponavičiaus nomė.
[taisītė] Ėstuorėjė
Salontā žėnuomė jau nu XVI a. Pėrma kart mėnavuojamė 1566 m. kap Skėlundiū dvars. Aple 1638-1640 m. Skėlondē pradietė vadintė Salontās. 1688 m. Salontā pavadėnamė miesto. Miestė iškėla dėdėkū Vainū, Guorskiū, Oginskiū dvarā. 1746 m. Augosts III leida čė rėngtė 4 prekīmetius 1833 m. mėstelie bova 1294 gīventuojā, 1897 m. - 2449.
XIX a. untruo pusie Salontūs pastatīts ondebs malūns, veik' pašta stuotes, aplė 80 kreutuviū, keles smolkes dėrbtoves. 1906-1911 m. vagol švedū arkitekta Karla Eduarda Štrandmana pruojėkt bova pastatīta neogotėkėne plana dabartėnė bažninčė. Buokštū aukštis sėik aplė 70 m.
XIX - XX a. pėrmuo pusie Salontā bova valsčiaus cėntros. 1950-1959 m. - rajuona cėntros, nu 1959 m. - rajuonėne pavaldoma miests. Pu Untruoj' pasaulėnė kara Salontā gīventuojū skaičio nedaug teatsilėka nu dabartiniū rajuonū cėntrū, tokiū kap Skouds, Plungė, bet Salontūs nebova vīstuoma pramuonė, dėltuo miestielis beveik nesipliet'. 1993 m. tėis bovosio ondens malūno pastatīta užtvanka. Užtvankas ondens pluots aplė 5 ha.
1996 m. Salontā atšvėnt 440-uoses ėkorėma metėnes ė švėntes pruogo lėipas 2 d. bova patvirtintė miesta herbs ė vieleva, vuo pri senionėjes atidėngta skopltūra (autuorios L. Ruginis).
[taisītė] Pavadėnėma kilmie
Salontū miesta varda kilmie aiški - susidar' iš opes Salonta (dešėnėsis mėnėjes intaks), katras pru miest tek iš šiaures ritū i pėitvakarius, daugėskaitas.
