Willy Michl
Aus Wikipedia
Der Àrtikl is im Dialekt „Cheamgauarisch“ gschriem worn. |
Willy Michl (* 1950 z' Minga) is a boarischa Musiker (Gitarrist) und Liadaschreiber. In de 70er Johr hod a vui Blues-Musi gschpuit und gsunga. Dobei hod a meistns mit da akustischn Gidar gschpuit, und in seina Band warn teilweise Profi-Musiker aus Amerika dabei. Dohea kimmt sei Beinam "Blues-Barde". In de spadan 80er Johr is er dann immer meara aufn Indiana-Trip kemma und lafft a heid no fast nur no mim Indiana-Gwand umanand. Jetz nennt er si "Sound of Thunder" und wead a da "Isar-Indianer" ghoaßn.
Seine Texte singt er auf boarisch, hochdeidsch oda auf englisch. Oans vo seine bekanntastn Liada is as "Isarflimmern" oda as "Bobfahrerlied". Heidzdog gibt er no oft Konzerte, oft schpuit a ganz alloa. Er hod a scho moi in de Fernseh-Serien "Zur Freiheit" und "Der Bulle von Bad Tölz" mitgschpuid. Seine oidn Plattn san irz a olle auf CD aussakemma (diam a weng zamgschnittn, vagleich amoi de Plattn und de CD vo "Willy Michl Live"), vatreim duad as seiba ibas Intanet.
[dro werkln] Diskografie
- 1973 - Blues Goes to Mountain
- 1974 - Blues und Balladen
- 1975 - Willy Michl live
- 1979 - Ois is Blues
- 1982 - Die Antwort
- 1988 - Ois is Blues 88
- 1998 - Bootlegger