Ecstasy

Aus Wikipedia

Der Àrtikl is im Dialekt „Stådt-Såizburgarisch“ gschriem worn.

MDMA
PubChem-Nr. 1615 (freie Basn) 71285 (Hîdroklorid)
Åigemeines
Nãm	3,4-Methîléndioxî-N-méthîlàmfetamin Hochdaitsch: 3,4-Methylendioxy-N-methylamfetamin
Ãndare Nãmen	MDMA, "Ecstasy"
Summenforme	freie Bàsn: Koihnstoff (C11) Wåssastoff (H15) Stiggstoff (N) Sauastoff (O2)
CAS-Numman	42542-10-9; 66142-89-0; 69610-10-2; 81262-70-6
PIHKAL-Numma	109
Kurzbeschreibung	Psîchoàktivs Àmfetaminderiwàt
Toxizität
Letàle Dosis (LD) 50 (Råtzn)	707 mg/kg
Letàle Dosis (LD) 50 (Kànigge)	- mg/kg
Fîsikàlische Eingschåftn
Aggregàtzuastãnd	freie Basen: ölige Flüssigkeit Hîdroklorid: kristàllina Féststoff
Fårb	freie Basn: bernsteinfårbm Hîdroklorid: fårblos
Molmàssn	freie Basn: 193,25 g/mol Hîdroklorid: 229,70 g/mol
Schmöizpunkt	Hîdroklorid: 148 - 153 °C
Weitare Eingschåftn
Löslichkeit	Isopropîlàlkohol (i-PrOH) (guad löslich)
Ànalîtik
Nåchweisreakzion (quantitàtiv)	Kromotropsäure-Reakzion, Marquis-Reakzion; Gehåit mid Perklorsäure in Eisessig géng Kriståiwiolett

Untam Begriff Ecstasy (oda à XTC) fåsst ma a Grubbm vô voisînthetisch hergstöide Drogn zãmm, dé kémisch gseng Åbkömmling vô dé Àmfetamine san, bei dénen dé Grundstruktur åwa erhåitn bleibt. Zua dé Derivàtn ghern vaschiedene Stoffe, dé unta dé Nãmen MDMA, MDA, MDEA, MDE, MBDB, DOB und ãndare bekãnnt san. Néd zu der Grubbm ghert 's Liquid Ecstasy oda à GHB gnãnnt wöichas in dé letztn Jåhr zuanehmend åis Partydrong in Europa bekãnnt worn is.

XTC wird in àn Åtmzug åis éntàktogéne, Designer-, psîchedelische (Psîchostimmulànzien), Mode-, Pàrty- und sînthetische Drong bezeichnet. Dé Årt vô da Designerdrogn teilt ma da Grubbm vô dé Hàllozinogéne, Àmfetamine, Éntàktogéne oda Émpàthogéne zua. 's schwãnkt dé Wirkungsweise vô dé XTC-Substànzn zwischen dénen hî und her, weil in dé Püin mehrare vô dé Stoffgrubbm vurhãndn san. Dé Stoffe san aißast psîchoàktiv und zöihn zua dé hårtn Drogn. Weitare Psîchostimmulànzien wàràdn unta ãndam LSD, Speed, Magic-Mushrooms und ãndare gifting Schwammaln, dé bei uns in da Natur vurkêmman. Dé wern zuanehmend mid Designerdrong kombiniart.

Inhaltsverzeichnis 1 Gschichte 2 Dàtn & Fàktn 3 Ausschaun 4 Wirkstoffe 4.1 MDMA 4.2 MDA 4.3 MBDB 4.4 MDMPEA 4.5 DOB 4.6 Stréggsubstànzn 5 Wirkungsweis 5.1 Éntàktogéne Wirkung 5.2 Émpàtische Wirkung 5.3 Hàlluzinogéne Wirkung 5.4 Wirkung im Gehirn 6 Nebmwirkungen 6.1 Somàtische Nebmwirkungen 6.2 Psîchische & neurologische Nebmwirkungen 6.3 Horrortrip (bad trip) 6.4 Erste-Hüife-Måßnãhmen 7 Präwenzionsårbeit 8 Litaratur zum Thema 9 Qöin 10 Weblinks

[dro werkln] Gschichte

Da idealaweis ausschliaßlich in Ecstasy vawendte Wirkstoff MDMA is 1912 vô Kemikan vô da Firma E. Merck aus Dàrmstådt sînthetisiart und zum Pàtent ãgmöidt worn. MDMA is åwa nia åis Medikament vamårkt't worn. Dé Streitkräft vô dé Vaeinigtn Stååtn håm åwa 'n Wirkstoff åis "Psîchokåmpfstoff" und "Wåhrheitsdrong" vageblich 1953 test't. In dé 80er Jåhr håd sé da Biokemika Alexander Shulgin mid da therapaitischn Vawendungsmöglichkeit vô da Substànz beschäftigt.

Z' Beginn vô dé 1980a is dé Drong åimählich åis Genussmittl untam Nãm XTC entdéggt worn. Åis Club-Drong is z' näggst in dé USA (Texas) und in da schwuln Tãnzszene auftaucht und håd sé vabreit't. In dera Zeid is 's amerikanische Drug Eforcment Administration (DEA) auf MDMA aufmerksãm worn. 1985 is XTC in da USA und a Jåhr spàda durch d' Wöidgsundheitsorganisazion (WHO) à wöidweit fàktisch vabotn worn. Dés håd da Drong åwa zu mehr Publizität vahoifm. Bereits 1988 is XTC in Europa, im Rãhmen vô da britischn Acid House-Bewegung populär worn und håd sé schnöi zur Drong vô da aufkêmmandn Rave-Kultur entwigget. Ãfãng vô dé 1990a is dé Drong dãnn bei Personen ålla Gsöischåftsbereiche sichagstöit worn. Kâ Drong håd sé jemåis so schnöi wöidweit vabreit't. Weil sé 's Betaibunsmittlbuach nur auf dé Wirkstoffe beziacht san haid no einige Wirkstoffe legàl.

[dro werkln] Dàtn & Fàktn

Es san schô mehr åis Hundàt vaschiedne Formen vô XTC registriart worn. A Üwasicht vôm daitschn Bundeskriminalãmt vôm Juni 1995 weist schô mehr åis 54 vaschiedene Designs aus, Tendênz is steingd. Dé Zåih vô de Gebraucha håd dé Zwà-Millionen-Grênz schô lãng üwaschrittn. Tendênz is ebmfåis weita steingd.

XTC-Püin wern hauptsächlich in Hollãnd in illegàle Produkzionsstättn firn europäischn Mårkt produziart. In dé létztn Jåhr is åwa à dé Zåih vô osteuropäische Labors dauand ãgstieng. Dé Produkzionslåga, de wås dé holländischn Fàhnda bis 1995 gfundn håm, håm a Kàpàzität vô 150 Millionen Püin pro Jåhr. Haitztåg san dés sicha schô um vüi mehr. Da Erstkontàkt mid Ecstasy is so zwischn zéhn und 25 Jåhr.

[dro werkln] Ausschaun

Àmfetamin-Deriwàte san weiße, kristaline Wirkstoffe und håm an stårk bittan Gschmågg. Sé wern gemeinsãm mid Trägamàtariàlien zu àna Tablettn presst oda in Kàpsln åbgfüit. Da Durchmessa vô dé XTC-Tablettn is ungefähr zwischn füimf und zwöif Millimeta, und sé san so ungefähr drei bis füimf Millimeta digg.

Auf da Vurdaseitn befindt sé meistns a Printmotiv wia zum Beispüi a Blitz, Zwerg, Playboy-Zeichn und so weita, oda a Nãm wia zum Beispüi Love, Adam, TC, Eva und so weita. Auf da hintan Seitn is meistns a Bruchrüin zum Teiln. Haifig san Püin mid gleichm Printmotiv, åwa mid åbweggslnda Form, Fårb, und untaschiedlichm Gwicht im Umlauf. Sîmbole oda Schriftn göitn in da Széne åis gängiga Hîweis firs Wirkprofüi vô da Püin. Dé enthåitn åwa oft gãnz untaschiedliche Wirkstoffe, dé ma mid bloßm Aug néd erkénnen kã. Dé Fårb kã weiß, grau, greâ, göib, göiblich-gsprêngglt, greâ-gsprengglt und so weita seî.

XTC wird meist in Tablettnvorm vakauft

XTC-Püin

XTC-Püin

XTC in Kàpslform

[dro werkln] Wirkstoffe

Dé då augfiartn Substànzn san ålladings nur dé wichtigstn Wirkstoffe, dé in XTC-Püin enthåitn seî kênna. In da Zwischnzeit gibts jedoch schô so vüi untaschiedliche Inhåitsstoffe, dass dé néd so schöi vabotn wern kênna, wias erzaigt und kreiart wern. MDMA und MDA san bereits am Ãfãng vôm 20. Jåhrhundàt 's erste Måi vô an daitschn Fàrmauntanehmen sînthetisiart worn.

[dro werkln] MDMA

Hauptàrtikl: MDMA

3,4 Methîlén-Dioxmethîl-Àmfetamin, à "Àdam" gnãnnt, is 's urprüngliche XTC. Es is a Psîchostimulans mid mittlara entaktogéna Wirkung. Dé ebmfåis vurhãndene empàtische Wirkung vô MDMA güit in da Széne åis d' beste üwahaupt. Dé hàllozinogéne Wirkung is kaum ausprägt. Dé Wirkungsdaua vô àna Ânzldosis betrågt etwoa viar bis seggs Stund.

[dro werkln] MDA

Methîlén-Dioxî-Ethîl-Àmfetamin, à "Eve" gnãnnt, is a Psîchostimulans mid àna stärkan ãregndn Wirkung wia bei MDMA. Dé empatische Wirkung is schwächa, dé entàktogéne dafia jedoch wesntlich stärka ausprägt åis bei MDMA. Dé hàllozinogéne Komponentn is schwåch. Dé Wirkungsdaua betrågt drei bis füimf Stund.

[dro werkln] MBDB

N-Methîl-1-{1,3-benzodioxol-5yl}-2-buthîlamin, is dés Psîchostimulans mid da derzeit stärkstn entàktogénen Wirkung, es tritt dafia åwa kâ Ãntriebssteigarung eî. Es güit åis wéniga nervntoxisch åis MDE und MDMA. Dé Wirkung håit etwoa drei bis füimf Stundn ã.

[dro werkln] MDMPEA

2C-B, is a Psîchostimulans mid hoha àfrotisiarenda und leicht hàllozinogéna Wirkung. Dé Wirkungsdaua betrågt viar bis åcht Stund.

[dro werkln] DOB

2,5-Dimethoxî-4-bromàmfetamin, wirkt ähnlich entàktogén wia MDMA, åwa bis zu hundatfåch stärka hàllozinogen. Es zöiht zua dé stärkstn bisher bekãnntn psîchoàktivn Substànzn. A Ânzldosis wirkt um dé 24 Stund.

[dro werkln] Stréggsubstànzn

Dé meistn Püin, dé aufm Drognmårkt vakauft wern, san mid ãndare Substànzn gstreggt. Dé Bãndbreitn vô dé Inhåitsstoffe kã vô Råtzngift bis Heroin und ãndare reichn. Weitas à Kinin, Koffein, Testosteron, Efedrin, Isosafol, ãndare Drognårtn, usw. Åwa à Trägamatariàlien wia z. Bsp. Stärkn, Laktosn, Frucht- oda Traubmzugga usw.

[dro werkln] Wirkungsweis

Dé Àktive Dosis, vô z. Bsp. MDMA liegt bei 50 bis 70 mg. Vüi vô dé vakauftn Püin enthåitn jedoch 70 bis 250 mg. Es soid a Dosis vô 100 mg néd üwaschrittn wern. Dé Realität schaut åwa bei dé Konsumentn ãndas aus. Dé meistn nehman a Dosis vô 400 bis 1500 mg. Dåbei entsteht a massive Schädigung im Hirn. Bei Menschnåffn is a Schädigung ab 500 mg nåchgwiesn worn.

[dro werkln] Éntàktogéne Wirkung

Vastärkt dé Empfindung und dé Wåhrnehmung firs eigene tiafare Innare. XTC berührts eigene Söibst und fördat 's Erlebm vô Gãnzheitserfåhrungen.

[dro werkln] Émpàtische Wirkung

Steigat in hohm Måß dé Wåhrnehmungsfähigkeit und 's Eîfühlungsvamöng in dé Befindlichkeit ãndara Menschn. 's hàßt, dass Konsumentn durch dé Drognwirkung genau wissn wer kommuniziarn wüi und wer néd. Sé erkennan dés währendm Rauschzuastãnd ohne sé mid Gesprächn (nonwerbàle Kommunikazion) ãn a Person herãtàstn z' miassn. Dés is auf d' gsteigate Wåhrnehmungsfähigkeit zruggzfiahrn - ähnlich wia bei klâne Kinda, dé genau um dé Befindlichkeit vô an Erwåggsenen Bescheid wissn. Dés funkzioniart durch d' Auslösung vô friahkindliche Wåhrnehmungsstràtegien während 'm Rauschzuastãnd.

[dro werkln] Hàlluzinogéne Wirkung

Néd ålle XTC-Püin vaursåchn màssive Hàlluzinazionen. 's san dé untaschiedlichn Substànzn, dé a Püin enthåitn kã und dé Wirkungsweis z' beåchtn. A påår Stoffe san nur sehr schwåch hàlluzinogén. Sehr vüi schildan a stårks flimman vur dé Aung, wia a Störungbüidl bei an Fernseha. Personen dé vorbei gengan beweng se zum Teil zaggig. s' Fårbmsehen wird intensiva beschriem. s' Gsicht vôm Gengüwa kã sé vaändan. Dé Halluzinazionen san åwa néd vagleichbår mid dé vô LSD, wöiche vüi intensiva beschriem wern. Außa dé Substànz DOB, wöiche dé zur Zeit am stärkstn Psichoàktivste is und hundatfåch stärka hàllozinogén wia ålle ãndan Ecstasy-Wirkstoffe, sogår stärka åis LSD.

[dro werkln] Wirkung im Gehirn

Dé Ursåchn vô dé Hàlluzinazionen im XTC-Rausch låssn sé auf d' vamehrte Dopamin-Ausschüttung zruggfihrn. Nebm dera wird à no vamehrt Serotonin und Noràdrenalin ausgschütt. Serotonin is unta ãndam fia dé aiforische Stimmung währendm E-Füim vaãntwortlich. Àmfetamin-Deriwàte greifm auf drei Årtn in 'n Stoffweggsl vôm Gehirn eî.

• Sé kennan dé Freisetzung vô Serotonin und Dopamin aus da präsînaptischn Mémbràn erleichtan
• dé Wiedaaufnãhm vô dé ausgschüttetn Àmine vôm sînaptischn Spåit in dé Sînapsn erschwern (Wiedaaufnãhmehemmung).
• und an Åbbau vô dé ausgschüttetn Àmine erschwern.

[dro werkln] Nebmwirkungen

Dé Nebmwirkungen vô XTC kã ma in somàtische und psîchische und neurologische eîteiln. Sé hängan à vô da

• Dosis,
• m' Intavall,
• da Eînãhm
• und da Daua vôm Konsum åb.

Je länga XTC konsumiart werd, desto stärka wern dé Nebmwirkungen. Dé somàtischn- san relativ söitn, dé psîchischn Nebmwirkungen haifiga ãztreffm.

[dro werkln] Somàtische Nebmwirkungen

Dé somàtischn san åbhängig vô da individuöin Vaträglichkeit vô dé Wirkstoff. 's gibt an klânen Prozentsåtz in da Bevökarung, der gengüwa XTC aißast sensibl is. Dés hàßt, dass bei dé Personen d' Gefåhr vô àna Üwadosiarung relativ hoch is. Durch d' Eînåhm kummts zu àna

• Erhöhung vô da Herzschlågfrequenz bis hî zu Herzråsn
• zu Schweißausbrüch
• Mundtroggnheit
• Musklzuggn
• Aungzittan
• dé Pupüin wern maximàl weit
• Vakrãmpfung vôm Kiefa und "Kiefakaun"

Gelengliche Musklkrämpf kênnan ebmfåis vurkêmma. Es san à Wirkungen vô XTC ãn d' koronàrn Erregungbüidungs- und Erregungsleitungssîstem vôm Menschn beschriem worn. 's kã durchaus vurkêmma, dass koronàre Àrîthmien, à unta ãndam a XTC-induziarts Kãmmaflimman und ãndare EKG-Störungen vaursåchn. Da Appetit wird heråbgsétzt. Dé Körpatemparatur erhöt sé und da Grundumsåtz steigt. Åis Foing vô da erhöhtn Körpatemparatur (durchn Flüssigkeits- und Elektrolîtvalust) kã 's zu Kreislaufstörungen kêmma. Dé körpalichn Reakzionen kênnan vô an Hitzschlåg bis zua Erhöhung da Körpatemparatur bis zu 42° C und drüwa (Tod) seî. Dé Behãndlung vôm Fiaba is nur im Ãfãngsstadium und dés in dé söitnstn Föin erfoigreich. 's kã à durch dé körpaliche Belåstung zu Leba- und Niarnvasång kêmma. XTC-Substànzn san lebaschädingd. Weil Konsumentn haifig Alkohoi und ãndare Drong zuasätzlich zu Disignerdrong kombiniarn erhöt dés d' Lebaschädigung. Dé gãnzn Alàrmsignàle vôm Körpa wia:

• Durscht
• Hunga
• Schwindl
• Unwoihseî
• Erschöpfung
• Schmerzn

wern duch XTC ausgschåit't. Dés kã zu àna lebmsbedrohlichn Situazion fihrn. A ersts Ãzeichn vô àna Üwadosiarung is meistns 's Speim. Da Körpa wehrt sé dådurch géng d' Substànzn. Àmfetamin-Deriwàte greiffm à d' Mångschleimhaut ã.

Komplikazionen durch lãngãdauandn Konsum san zum Beispüi:

• ghaifte epileptische Ãfälle
• extreme Formen vô àllergischn und asthmàtischn Reàkzionen

[dro werkln] Psîchische & neurologische Nebmwirkungen

Psîchische Nebmwirkungen vô XTC kênnan weitschweifmd seî. Dé åis positiv dalebtn Glüggsgfühle, dé Bewusstseinserweitarung, dé gsteigate Kommunikazionsbereitschåft und dés im Rausch dalebte große Söibstwertgfüih låssn nåch. Glüggsgfühle wãndln sé im Füim zu depressivn Vastimmungen um. D' Bewusstseinserweitarung bleibt völlig aus und d' Kommunikazionsbereitschåft sinkt erheblich åb. Längst vadrêngte Erlebnisse kênnan wieda ins Bewusstsein gruafm wern, dés nåchm Åbklinga vô da Drong mid Depressionen und sogår mid àna schizofrénen Psîchosn reagiarn kã. Dé Psîchosn san sehr schwer behãndlbår und gengan meist eîher mid:

• hoha motorischa Unruah
• massivn Denkstörungen
• sé wirkn sehr bizàrr

Dés kã sé bis zu Depersonalisazionen steigan. D' Psîchosn san néd åiwei zeitlich limitiart sondan kênnan à in Daua- und Residualzuaständ mündn. Ma muaß owa à d' genetische Disposizion zu Psîchosn beåchtn. Néd ålle XTC-Konsumentn kriang a so a Krãnkheitsbüid.

Bei dé meistn Ecstasy Konsumentn kummts åwa nåch 'm Åbklinga zu àm sognãnntn "Psîchokåda" der eîhergeht mid

• melankolischa Vastimmung (sogår Gfühle wia "nimma aushåitn" kênna und "nimma kênna")
• Åntriebslosigkeit
• Àbbetitmãngl
• Schlåfstörungen
• Greiztheit
• körpalicha Erschöpfung

Dé depressive Vastimmung låsst sé durch d' entleartn Serotoninspeicha erklärn. Durch d' vamehrte Serotoninausschüttung kummts Gehirn mid da Produkzion vô dém nimma mehr nåch. 's dauat zirka zwà bis drei Tåg bis dé wieda aufgfüit san. Da Psîchokåda klingt dãnn à wieda åb. Månchmåi kummts à durch d' exzessive Eînãhm vô meist mehran Püin zu hefting Kopfschmerzn dé mid Speim eîhergengan.

Bei d' meistn Konsumentn kummts à durch d' längare Eînãhm zu Denk- und Språchstörungen durch d' Schädigung vôm Språchzêntrum, dé erst durch a Eîhnãhmpause vô mehran Wochn wieda åbklinga. Sîmptome san:

• haifigs vasprechn
• Wortfindungsstörungen
• Gedãnknåbreißn
• Gedãnknspringa
• gedãnkliche Umständlichkeit

's is à z' beobåchtn dass d' Konzentrazion- und Merkfähigkeit (bsundas s' Kurzzeitgedächnis) merklich nåchlåssn.

Ma vamut't à, dass XTC a neurotoxische Wirkung håd und d' Serotonin produziarendn Zöin durch 'n exzessievn und lãngãdauandn Konsum gschädigt wern. 's kênnan sé dådurch Depressionen büidn. 's wird bereits intensiv ãn da Toxizität gforscht.

[dro werkln] Horrortrip (bad trip)

A große Gfåhr besteht bei da Üwadosiarung in an "Horrortrip" z' rutschn. Der geht einher mid

• stårkn Schweißausbrüchn (kåida Schweiß)
• d' Haut is åschfàhl
• Herzråsn und Bluatdruggsenkung
• große Kollàpsneigung
• Musklkrämpf und Musklzittan
• Nîstagmus und Aungroin
• Ãngst- und Pànikattaggn

Midunta kênnan à stårke Halluzinazionen (optisch und àkustisch) und große motorische Unruah auftretn. Da Gsichtsausdrugg is gspãnnt und d' Aung weit aufgrissn. A Vaständigung vô da Rettung is unumgänglich weil d' Gefåhr vô da wegetàtivn Entgleisung sowia an möglichn Suizidvasuach droht.

[dro werkln] Erste-Hüife-Måßnãhmen

D' Erste-Hüife-Måßnãhmen bei àna Üwadosis bzw. àkutn Intoxikazion san in ersta Linie vô Drongberåtungseîrichtungen (fir "Laien" außahåib vô Krãnknhaisa) zur Durchführung erstöit worn.

• 'n Konsument in a reizårme Umgewung bringa (vuråim bei Halluzinazionen, Pànikataggn, Ãgstzuaständn ezt.)
• Bei Kreislaufproblemen d' Person in d' Schogglågarung bringa
• Gwãnd öffnen, dass sé d' Körpatemparatur sênkt
• in klâne Schliggal Flüssigkeit trinkn låssn (am bestn is Leitungswåssa oda Minaràlwåssa)
• kân Àlkohoi mehr trinkn låssn
• A weitare Eînãhm vô Drong vahindan (bsundas Marihuana zum "åwakêmma" wia 's in da Széne gängig is)
• bei Bewusstlosigkeit sofurt d' Rettung vaständing
• Fåis da Konsument no a XTC-Präparat dabei håd, dés sichastöin und 'm Notårzt üwareichn (im Krãnknhaus kã ma ewentuell 'n Wirkstoff feststöin und Måßnãhmen eîleitn)
• Auf går kàn Fåi a Auto steian låssn

[dro werkln] Präwenzionsårbeit

Party-Drong san a néd wegzdiskutiarenda Bestãndteil im Lebm vô vüi Jugndliche und junge Erwåggsene. Da Konsum kã mid kâne Mittl wirklich untabundn wern. Realistisch is jedoch a Schådnsbegrênzung durch ãgemessne informative Måßnãhmen im präwentivn Bereich. Nåch gwissnhåfta Diskussion vôm Fir- und Wieda san deshåib à vüi Prävenzionsstöin und vagleichbåre Eîrichtungen dazua üwagãnga "Sichares-Konsumiarn-Kàmpanjen" (Safer-use-Kampanjen) z' betreim. Soziàlårbeita Beispüisweis gengan dåbei in Klubs und Diskos und informiarn d' Konsumentn drüwa wia s' am sichastn XTC konsumiarn kênna, wöiche Regln bei da Eînãhm vô dera Drong beåchtn soin und wöiche Måßnãhmen sé betreim soin wãnn a Üwadosis vurherrscht. Weitas wern à oftmåis Schnöitests zur Bestimmung vô d' Wirkstoff' ãbotn, dass da Konsument bescheid wàß wås a då eînimmt.

Sé håm 's Züi: fir déjêning dé 'n Ausstieg néd schåffm und weitahî Konsumiarn, Komplikazionen (soweit wia möglich) auszraima und a Schådnsbegrênzung z' gwährleistn. Weitas a no:

• D' Konsumentn soin üwa etwaige Risikn und Komplikazionen aufklärt wern.
• Auf Ãzeichn vô àna möglichn Üwadosiarung hîgwiesn wern, dass dé erkênnan und Måßnãhmen dagéng treffm kênna.
• Dass bei àna z' hochn Dosis und bei àna z' schnöin Eînãhmgschwindigkeit (Intawåi) zu Komplikazionen und Schädn kêmma kã.
• Auf Drongberåtungsstöin und ãndare Instituzionen hîgwiesn wern, dé Jugndliche und junge Erwåggsene bei Drongprobleme höifm kênna und Råtschläge gebm.
• Sé soin vur am Mischkonsum mid ãndare Drong eîdringlich gwàrnt wern, weil d' Weggslwirkung mid ãndare Drong néd untaschätzt wern derf (zum Beispüi LSD oda Speed).

[dro werkln] Litaratur zum Thema

• Jürgen Neumeyer, Henning Schmidt-Semisch: Ecstasy – Design für die Seele?, Lambertus, Freiburg 1997, ISBN 3784109446
• Hans Cousto: DrogenMischKonsum – Das Wichtigste in Kürze zu den gängigsten (Party-)Drogen, Nachtschatten Verlag, Solothurn 2003, ISBN 3037881194
• Hans Cousto: Drug-Checking – Qualitative und quantitative Kontrolle von Ecstasy und anderen Substanzen, Nachtschatten Verlag, Solothurn 2003, ISBN 3907080238
• Bernhard van Treeck: Drogen- und Suchtlexikon, Lexikon-Imprint-Verlag, Berlin, 2003, ISBN 3896022210
• Bernhard van Treeck: Drogen, Schwarzkopf & Schwarzkopf, Berlin, 2003, ISBN 3896024205
• Endriß, Logemann: Neue Zeitschrift für Strafrecht 1990, 286 (Fußnoten 12, 14, 15)
• Harald Hans Körner: Betäubungsmittelgesetz, München 2001
• Vom Scheid, Schmidbauer: Handbuch der Rauschdrogen, Frankfurt/M. 1999
• Matthew Collin: Altered State. The Story of Ecstasy Culture and Acid House, 1997
• Alexander Shulgin: PIHKAL - A Chemical Love Story, Transform Press
• Kuntz Helmut: Ecstasy - auf der Suche nach dem verlorenen Glück, Vorbeugung und Wege aus der Sucht und Abhängigkeit. Erweiterte Neuausgabe. Weinheim und Basel - Beltz Verlag 2001
• Lörher Frank: Designerdrogen, Substanzen, Wirkungen, Klinik - eine Einführung. 2. erweiterte und korrigierte Auflage. Aachen - AFV, Ariadne-Fach-Verlag 1998.

[dro werkln] Qöin

• Kuntz Helmut: Ecstasy - auf der Suche nach dem verlorenen Glück, Vorbeugung und Wege aus der Sucht und Abhängigkeit. Erweiterte Neuausgabe. Weinheim und Basel - Beltz Verlag 2001
• Lörher Frank: Designerdrogen, Substanzen, Wirkungen, Klinik - eine Einführung. 2. erweiterte und korrigierte Auflage. Aachen - AFV, Ariadne-Fach-Verlag 1998.
• [1] - Univärsität Bonn

[dro werkln] Weblinks

• Webseitn vô da Dronghüif' Köln e.V.
• Webseiten von Eve&Rave - Substànzinformazionen sowia "Bese Püin" Listn
• Fachinformation: Ecstasy – Mischkonsum
• Heilsames Ecstasy: Wia d' Partydrogn Traumaopfan Lindarung vaschåffm soid
• Lettre.de Berichte üwa an E-Konsumentn
• Barrierefreiheit mit Ecstasy - D' Partydrogn zastört d' Bluat-Hirn-Schrãnkn und vaschåfft Errégan und Schådstoffm an Zuagãng zum Hirn