Patent
Aus Wikipedia
A Patent schitzt a technische Erfindung.
Wenn ma a Patent kriagn will, fir a Erfindung, so muas de Erfindung nai sei, auf a erfinderischen Tätigkeit beruhn und gewerblich awendbar sei. Obwoi ned so direkt gsogt, kann ma nur auf technische Eafindungen a Patent kriang.
Wissenschaftliche Entdeckungen, Theorien und mathematische Modelle, ästhetische Formschöpfunga, Pläne, Regln und Verfahrn via gedankliche Tätigkeiten, Spuia oda geschäftliche Tätigkeitn und Programme via EDV-Anlagn und die Wiedagabe vo Informationen wean in dem Sinne ned ais Erfindungen agseng. Drotzdem kann ma dafia a Patent griang, wenn koa Schutz via soiche Sachan ais soichas begehrt wiad, sondern sie a an technischn Inhoit ham.
Außadem kann ma auf chirurgische und therapeutische Behandlunga und Diagnoseverfahrn koa Patent griang, wei ma sogt, dass des ned gewerblich awendbare Sachan sand.
Um a Patent zu kriagn, muss man die Erfindung bai am nationalen Patentamt oder baim Europäischn Patentamt ameldn. Fia de Ameldung braucht ma an Antrag, a Beschreibung vo da Erfindung, Patentansprüche, wo drinn steht, wos gschützt wean soi, und eventuell Zeichnunga. Natürlich muas ma a Gebührn zoin.
Dann wiad de Patentanmeldung vo am Prüfa agschaut, ob olle Voraussetzungan do sand, dass a Patent erteilt wean ka. Fois de ned so is, kann ma des Patent na eventuell apassn, so dass da Prüfa eivastandn is. Des erteilte Patent wiad veröffentlicht, so dass jeda nachschau kann, wos scha eafundn woan is und ned ohne de Zustimmung vom Patentinhaber heagnumma wean deaf.
Gschützt is a Patent bis zu 20 Joa lang, wenn ma jeds Joa Verlängerungsgebührn zoid hod.
Wenn oana des Patent via sich heanemma mächt, so muas ea an den Patentinhaber Lizenzgebührn zoin, de wo sie sich aushandln kinnan.
Wenn jemand ned damit einverstandn is, dass a bestimmte Sach patentiert is, weil ea zum Beispüi des heanemma mächt, oba koane Lizenzgebührn zoin mog, so kann ea innahoib oana bestimmtn Frist gegn des Patent Einspruch erhebn. Wenn de Frist scha voabei is, muas ea a Nichtigkeitsklage erhebn, damit des Patent vernichtet wiad.
[dro werkln] Weblinks
- Patentportal - Ibersicht ibern gewerblichn Rechtschutz