Abraham Lincoln
Aus Wikipedia
 |
Der Àrtikl is im Dialekt „Rengsburgerisch“ gschriem worn. | |
Da Abraham Lincoln (* 12. Februar 1809 bei Hodgenville, Hardin County (heute: LaRue County), Kentucky; † 15. April 1865 in Washington, D.C.) is 1860 zum 16. Präsidentn vo de Vaeinigte Stååtn vô Amerika gwählt und 1864 wiedagwählt worn.
Er war orna vo de bedeitsamsten Präsidentn vo de USA und da erste aus da Republikanischn Partei. Nach da Sezession vo elf sklavenhaltnde Südstaatn håd er d'Nordstaatn durchn Bürgerkrieg gfihrd, d'Wiedaherstellung vo da Union durchgsétzt und d'Sklavenbefreiung bedriem. Unta seina Regierung håm d'USA an Weg zu am zentral regiertn, modern Industriestååt eingschlång und so d'Basis für ihrn Afstieg zur Weltmacht im 20. Jahrhundert glégt.
[dro werkln] Lebn
[dro werkln] Kindheit und Jugend
Da spätare Präsident is in ana Blockhittn in da Näh vo dem Präriedorf Hodgenville in Kentucky geborn worn. Seine Eltan han da Farma Thomas Lincoln und dem seî Weib Nancy gwén, de ålle zwoa aus Virginia stamma. Am Thomas Lincoln seine Vorfahren han a bår Genarationen zvor aus Wales nach Amerika migriert. Zu seina Familie håm na am Abe seî ältane Schwesta Sarah gherd sowie a jüngara Bruda, Thomas jun., der aba scho kurz nach sana Geburt gstorm is.
Über sei Murta is a vawandt mitm Tom Hanks und da Camille Olivia Hanks Cosby, am Weib vom Bill Cosby.
