Telefón
De Biquipedia
O telefón u telefono ye un estrumento de telecomunicazión diseñato ta transmitir siñals acusticos (ye dezir sonius, cheneralment a boz) entre dos u más puestos por meyo de siñals eletricos.
Enguán ye uno d'os trastes más comuns y se troba en cuasi todas as casas. Os telefons funzionan transmitindo siñals eletricos por retes telefonicos complexos que premiten que un usuario de telefón pueda comunicar-se con cuasi cualsiquier otro. Antes más istos siñals biachaban unicament por cables (telefons fixos), mientres que dende fa bellas añadas, tamién se transmiten por ondas hertzianas (telefons móbils u portátils). Tamién bi ha telefons que premiten transmitir imáchens (bidiotelefons).
[editar] Istoria
Por muito tiempo, Alexander Graham Bell estió considerato o imbentor d'o telefón. Sin dembargo, Bell no estió o imbentor d'iste traste, fue nomás o primer en patentar-lo. Asinas, l'11 de chunio de 2002, o Congreso d'os Estatos Unitos emologó a resoluzión 269, por a que se reconoxeba que o imbentor d'o telefón eba estato Antonio Meucci, que lo clamó teletrofón, y no Alexander Graham Bell. Meucci, por dificultaz economicas, nomás podió presentar, en 1871, una breu descripzión d'o suyo imbento, pero no formalizó a patent debán d'a Ofizina de patents d'os Estatos Unitos.