Gran Zisma d'Orient
De Biquipedia
O Gran Zisma d'Orient u Gran Zisma d'Orient e Oczident ye o escaizimientos que dibidió a la ilesia cristiana que azetaba la dotrina d'o Conzilio de Calzedonia, en o cristianismo catolico román oczidental e o cristianismo ortodocso de l'este. Á ormino a calendata d'a dibisión ye considerata l'año 1054, cuan o papa Lión IX e o patriarca Miguel I se escomulgoron l'un á l'atro.
Manimenos o zisma estió lo resultato d'un periodo más amplo d'alexamiento entre as dos ilesias. A causa prenzipal d'o zisma estió a desputa sobre l'autoridat papal: o papa abeba de tener autoridat sobre os cuatro atros patriarcas, e istos diziban que a supremazía d'o patriarca de Roma yera nomás onoraria, e que a suya churisdizión nomás yera sobre a suya rechión, l'oczident. Bi abió atras causas menors que produzioron o zisma, prenzipalment chicoz conflitos dotrinals u de prauticas tradizionals d'a litúrxia.