Aduya:Como rechistrar-se
De Biquipedia
No cal rechistrar-se ta beyer e editar as pachinas d'a Biquipedia. Manimenos, en rechistrar-te otienes belas carauteristicas adizionals, e en cheneral cuasi toz os proyeutos lo recomiendan.
Contenius |
[editar] Rechistrando-se
Creyar una cuenta d'usuario sinnifica que darás un nombre d'usuario (o tuyo nombre reyal u un seudonimo) e una parabra de paso. Bi ha que tener en cuenta que o sistema no premite a creyazión d'una cuenta d'usuario con un nombre d'usuario que autualment ye en uso. O prozeso de creyazión nomás se reyaliza una begata, ta «rechistrar-te» as siguients begatas que deseyes dentrar-ie, nomás abrás de dar o tuyo nombre d'usuario creyato e a tuya parabra de paso.
Dende iste inte, as edizions que realizes serán asinnatas á lo tuyo nombre d'usuario. Si no yes rechistrato, as edizions serán asinnatas á la tuya adreza IP.
[editar] Razons ta rechistrar-se como usuario
- Os atros usuarios te podrán reconoxer por o tuyo nombre d'usuario cuan reyalizes cambeos en una pachina. Si no te rechistras nomás a tuya adreza IP identificará as tuyas contrebuzions. Manimenos l'adreza IP no premite una identificazión prou correuta: Si gosas coneutar-te dende ordinadors en diferents ubicazions (casa, ofizina, cafetería, etz.) tendrás diferents adrezas IPs en cada caso; encluso en una mesma ubicazión poderbas tener diferents IPs pendiendo d'a coneusión á Internet. Debito á ixo, un nombre d'usuario ye muito millor ta mantener una identidat en o proyeuto.
- Tendrás a tuya propia pachina d'usuario á on podrás escribir sobre tu (si quiers) ta que atros puedan conoxer-te una mica más. Antimás tendrás tamién una pachina de descusión que podrás usar ta comunicar-te con atros usuarios.
- Tendrás a tuya lista de seguimiento.
- Tendrás a tuya lista de contrebuzions, á on podrás beyer totas as tuyas edizions reyalizatas dende l'inte en que t'aigas rechistrato.
- Si proporzionas a tuya adreza eleutronica (email), atros usuarios podrán contautar con tu á trabiés de correu-e. Ista ozión funziona de traza anonima, ye dizir os usuarios que contauten con tu á trabiés de l'email no tendrán aczeso ta beyer a tuya adreza. No has de dar o tuyo correu eleutronico si no lo deseyas.
- Podrás tresladar pachinas que tengan nombres incorreutos.
- Podrás establir as tuyas Preferenzias ta cambear cosas como:
- O numero de pachinas amostratas en os zaguers cambeos.
- As fuents, colors e diseño d'a pachina, emplegando diferents skins.
- Cuan aigas acumulato prou esperenzia podrás partizipar en as dezisions d'a Biquipedia, antimás de tener a posibilidat de estar eslexito almenistrador.
[editar] Como rechistrar-se
Primero, asegura-te que o tuyo nabegador web azepta cookies. Bels nabegadors pueden azeptar u refusar cookies de pachinas web espezificas. Ta rechistrar-te abrás de confegurar o tuyo nabegador web ta azeptar las de Biquipedia (dominio: 'an.wikipedia.org').
Ta rechistrar-te fas clic en o enrastre «Creyar una cuenta u dentrar-ie» situato en o cantón superior dreito d'a pachina. Si no t'has rechistrato antis, abrás de creyar un nuebo usuario fendo clic en Creyar una nueba cuenta.
Si quiers tamién puez meter a tuya adreza eleutronica. D'ista traza atros usuarios podrán nimbiar-te correus sin de conoxer a tuya adreza.
Si fas clic en o cuadro «Quiero que se remere a mía parabra de paso entre sesions» no abrás de meter de nuebo a tuya clau cuan aczedas á la Biquipedia dende o mesmo ordinador.
[editar] E si se m'olbida la parabra de paso?
Si metes una adreza de correu cuan te rechistres por primera begata u posteriorment en as tuyas preferenzias, podrás demandar o nimbio d'una parabra de paso temporal á lo tuyo correu eleutronico, que te premitirá aczeder nuebament á trabiés d'a tuya cuenta d'usuario.
[editar] Problemas en registrar-se
Si has enzetato a sesión, pero dimpués de beyer a pachina «Has enzetato a tuya sesión en Biquipedia como "...."» t'aparixe como si no eses iniziato sesión, ye mui probable que aiga problemas con as cookies en o tuyo nabegador web. Si ya yes seguro que as cookies son premititas, asegura-te de no aber meso http://an.wikipedia.org en a lista de pachinas no premesas ta cookies (ista caraucteristica ye disponible en á lo menos Mozilla Firefox bersión 0.6 e superior e Microsoft Internet Explorer bersión 6 e superior). Antimas asegura-te que a calendata d'o tuyo ordinador sía correuta; si no en ye, as cookies poderban espirar antis d'o que deberban. Bels firewalls e programas de bloqueyo de publizidat pueden interferir con as cookies que emplega Biquipedia ta mantener una sesión autiba.
