Campaña
De Biquipedia
A Campaña (en franzés Champagne) ye una probinzia istorica situata en o noreste de Franzia, conoxita por a produzión d'o bino blanco esbrumoso dito de Champaña u más á sobent champán. A rechión ye situata á bels 160 km á l'este de París. Bi ha zinco departamentos en ista rechion; Aisne, Aube, l'Alto Marne, Marne, e Sena e Marne. As ziudaz de Troyes (capital de Campaña), Reims e Épernay son os suyos prenzipals zentros comerzials.
A mayor parti d'a Campaña ye güé parti de l'autual rechión almenistratiba de Campaña-Ardenas.
[editar] As ferias d'a Campaña
Mientres d'o sieglo XIII, as ferias zelebratas en a Campaña uniban as ziudaz produtoras de texitos d'os Países Baxos con os zentros situatos en Italia á on se teñiban e dimpues esportaban. Ista ferias, que ya se feban dende prenzipios de dito sieglo, estioron unas d'as primeras manifestazions d'a unión d'as economía a nibel europeyo, carauteristica tipica de l'Alta Edat Meya.
As grans ziudaz d'a rechión teneban grans almazens que encara pueden beyer-sen en a localidat Provins. Dende o norte i plegaban as telas feitas de lana e lin e dende o sur pimienta e atras espezias e drogas. Se pagaba con monedas, pero ya prenzipiaban á aparixer nuebos conzeutos como os creditos probenients tamién d'Italia. Muitos d'istos biens que se mercaban astí beniban d'a Peninsula Iberica, á ormino á trabiés d'o camín de Sant Chaime, que ya yera una rota de pelegrinache important en a epoca, atros produtos tamién beniban de Alemaña.
[editar] Istoria
Campaña estió un condato dende o prenzipio d'os sieglo XII. S'unió á la corona franzesa grazias á lo matrimonio de Chuana de Champaña con Felipe de Franzia, que serba rei en 1285 con o nombre de Felipe IV lo Fermoso. Manimenos la Campaña contina estando un territorio independient dica la suya muerte en 1314 e ye o suyo fillo Loís X dito lo Tozoludo quí á la fin la encorpora ta lo reino de Franzia.
