Bazía
De Biquipedia
A bazía ye o nome chenerico ta una familia de rezipients ta funzions muit dibersas. A carauteristica cheneral de toz els ye a suya concabidat que les permite d'acullir sustanzias aintro d'ellas, concabidat que en a mayoría d'es casos s'ha aconseguito buedando un tranco d'arbol trucando-lo con ixoletas de maniera artesanal. Altras buedas pueden estar compuestas de més d'una pieza ensablada talment plegando t'a mesma cualidat d'estanqueidat que las fa útils; son un exemplo d'ista modalidat as masaderas que no son si que caixons de mida gran an que s'amasaba antigament a farina e l'augua ta fer o pan.
Pueden estar acontadas entre o obchetos que popularment son clamaus bazías:
- As saladeras; grans bazías an que se gosaba salar es pernils y altras piezas d'a mataziya d'o tozín.
- Es cumos; bazías grans que se colocaban en es monts amanatos ta una fuent que librás augua e se feba emplenar per ista, estando asinas o puesto ideyal ta que o bestiar s'abrebase.
- Es bazións; an que se daba chenta t'as bestias.
- Altras bazías més chicotas, como per exemplo as d'amasar o zemento en a construzión.