Thrash Metal

Us der alemannische Wikipedia, der freie Dialäkt-Enzyklopedy

Thrash Metal (englisch to thrash - drescha/prügla/haua) isch am Ofang von dr 1980er Johr als a schnellre un extreme Spielart vom Heavy Metal gmacht worre. Beim Thrash-Metal sollet d' Gitarra brutal klinga und werdet von dem her speziell da druff abgmischt odr runter gstimmt. Dr urschprüngliche Thrash Metal isch vor ällem durchs schnelle un präzise Riffing vom normala Heavy Metal zu unterscheida. Es isch au oft nur d offene E-Saite in Verbindong mit de Power-Chords verwendet worra. An weitres Kennzeicha isch des konsequente Double-Bass-Drumming.

Manchmal isch Motörhead scho als Thrash bzeichnet, aber mer sagt vom "Kill 'Em All" von Metallica aus dem Jahr 1983 dass es des erschte Thrash Album isch. Neba Metallica stammet au viele andre wichtige Thrash-Bands aus dr San Francisco Bay Area, so wie Exodus, Testament un Death Angel. Mr kann grob saga, dass so Bands wie Exodus, Slayer, Dark Angel an eher brachialera, brutalera und weniger melodiösa Schtil verfolget, un d Bands wie Metallica, Megadeth odr Death Angel vielfältigr, melodiösr und a bissle experimentierfreudiger sen. Manchmal werrat diese Bands zamma mit de aggressivera Power-Metal-Bands unterm Noma Speed Metal zammagfasst.