St. Galler Rheintal
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Sanggaller Rhintl« |
S St. Galler Rhintl fangt ungföör bi Sennwald im Süüda aa und hört denn im Noorda öppa mit Rhinegg uf. Es ghört zum Kanton St. Galla. Es hed amol an Republik Rhintl gee, di isch denn aber wenig spöter wider vo St. Galla integriert wora.
Inhaltsverzeichnis |
[ändere] Geografii
S Tal isch entschtanda will d Platta zwüschad da zwo Bergreiha in Joormilliona zwe Kilometer wit abgsunka sin. Do dura isch s Rhintl zumana recht flacha Tal wora, wo denn uf beidna Sita dur recht schnell aastigandi Hügl abgränzt wird. S Rhintl isch recht erdbebagföördat, weils uf zwo verschiidana Plattana lit. Allpot ghört mer widar achli vo chlinna Erdbeba, wo d Lüt denn aber nöd amol gross kspörid.
[ändere] Landwirtschaft
Durch da, dass s Rhintl aso flach isch, rentiert sich s Buure recht guat im Rhintl. Durch da Föö, wo oft usam Tessin is Rhintl blosat, ischs Klima meist recht mild.
Dur di günstiga geografischa Begebeheita wird im Rinthl vil Landwirtschaft betriba. Bekannti Produkt sind da Ribbelmais oder o Törgga gnennt, wos nöüerdings o ida Migros git; es git aber o scho Ribbelbier voda Sunnabräu. Es anders Produkt isch s Rapsöl, wo au im Rhintl produziert werd. Dur s milda Klima chönid o Wiitruba im Rhintl aabaua wöra. Aso isch o s Doarf Rebstoa zu sim Nama cho. Mittlerwila werd aber gnau döt woll am wenigschta Wii abaua.
[ändere] Dialekt
Da Dialekt voda Rhintaler isch vor allem im Mittelrhintl gspickt vo Wörter mit Doppellut, da Endig vo vilna Verba uf -a und em weiche "k"-Lut (wie Kuchikäschtli). Aber au im Rhintl gond toals Dialäkt starch usanand, anderersiits verschmelzid dia Sprochana bald amol zumn oanheitlicha Dialekt im Rhintl, du da früazitig Kontakt mit da andara. Da Dialekt vom Undera Rhintl ghöert zum Niideralemannischa.
[ändere] Gmoandsfusione
D Rhintaler Gmoanda sind aso starch am Wachsa, dass sie fascht scho mittanand verschmolza sind. Das, und o di wirtschaftlich Lag, füert dezua, dass diversi Rhintaler Gmoanda beschlossa hond, z fusioniera.
[ändere] Kernkraftwerchbau
Was immer wider beschprocha werd, wär as Kernkraftwerch in Rüthi (SG), wo aber bida Bevölkerig uf grossi Ableenig stosst. O weils aso nöch bi Östriich isch, wörda d Östriicher woll interveniera, wenns das Projekt wörklich wör realisiert werda. Es isch scho ida 70er-Joor amol aso wit gsi, da Bau hät aber nöd statt gfunda.
