Jona (Fluss)
Us der alemannische Wikipedia, der freie Dialäkt-Enzyklopedy
| Jona | |
|---|---|
 Jona zwüschät Rüti ZH und Rapperswil-Jona |
|
| Date | |
| Laag | Kanton Züri, Kanton St. Gallä, Schwiiz |
| Längi | 20 km |
| Quelle | Gibswil am Bachtel |
| Quellhechi | 950 m |
| Mündig | in Rapperswil-Jona in Obersee vom Zürisee |
| Mündigshechi | 406 m |
| Hehenunterschiid | 544 m |
| Yzugsgebiet | 65 km² |
| Ywohner im Yzugsgebiet | ca. 50'000 |
D Jona isch än Fluss i dä Kantön Züri und St. Gallä i dä Schwiiz, benannt nach där glichnamigä Stadt (wo sich hüt mit dä Nachbarstadt zu Rapperswil-Jona zämägschlossä hät.
Inhaltsverzeichnis |
[ändere] Vo dä Quällä bis zur Mündig
D'Quällä vo dä Jona befindät sich unter äm Gipfäl vom Bachtel obärhalb vo Gibswil uf äm Gebiät vo dä Gmäind Fischenthal. Nach ämänä iidrucksvollä Wassärfall flüsst dä Fluss dur äs Tobäl oschtwerts nach Wald und ändärt dänn sini Richtig nach Südä dur ä tüüfi Schlucht, wo vo dä Tösstalbahn vo Rüti ZH übär Bauma nach Winterthur, (hüt S26), mit ämänä grossä Viadukit überquert wird. Dä Flusslauf dreht sich dänn nach Weschtä und bilidät jetzt d'Gränze vo und Dürntä. Nach Tann ändärät dä Fluss zmitzt in Rüti widär sini Richtig flüsst quer dur d'Stadt und dänn dä Bahnliniä vo dä S12 entlang nach Jona. Dur Jona flüsst är in Meander bildät au no än chlinä Täich und formt schliässlich im Zürisee s'Delta vo Buässkirch. Schliässlich mündät dä Fluss uf 406 m über Meer in Zürisee.
[ändere] Gmäindä entlang vo dä Jona
Uf iräm Lauf flüsst d'Jona im Kanton Züri dur folgädni Gmäindä: Fischenthal, Wald, Dürnten, [[Rüti ZH]|Rüri]; und im Kanton St. Gallä dur d' Stadt Rapperswil-Jona.
[ändere] Quällä vo Energii- und Wohlstand
Scho im Mittälaltär hät mä mit Wassärmülänä d'Wassärenergii vom Fluss gnutzt. D'Energiiquällä hät im 19. Jahrhundert d'Induschtrialiärig vo dä Region und dä Wohlstand vo dä Gmäindä Wald und Rüti], füär denä iri Texschtilindustrii dä Fluss d'Läbäsadärä gssi isch, ermöglicht.
