Joachim Löw

Us der alemannische Wikipedia, der freie Dialäkt-Enzyklopedy

Dialäkt: Markgräflerisch (Ebringe)

Joachim „Jogi“ Löw (* 3. Februar 1960 z'Schönau im Schwarzwald) in Südbade, isch e dytsche Fuessballtrainer. Dr Löw isch sit'm 1. August 2006 d'Noochfolge vum Jürgen Klinsmann as Bundestrainer vu dr dytsche Fuessballnationalmannschaft.

As Fuessballspiler isch er nooch dr Jugend bi zwei Schönauer Verein un dr Eitracht Friburg as Profi fer dr SC Friburg, dr VfB Stuegert, Eitracht Frankfurt, dr Charlsrueher SC, dr FC Schaffhuse, dr FC Winterthur und dr FC Frauefeld dätig gsi. In 52 Bundesligaspile het er sibe Dore gschosse, dezue sin 252 Isätz un 81 Dore in dr 2. Bundesliga chumme; usserdem het er vier Isätze in dr U21-Nationalmannschaft gha.

Als Trainer het er dr FC Winterthur, dr FC Frauenfeld, dr VfB Stuttgart (14. August 1996 bis 30. Juni 1998), Fenerbahçe (1. Juli 1998 bis 29. Mai 1999), dr Charlsrueher SC (25. Oktober 1999 bis 19. April 2000), Adanaspor in dr Türkei (20. Dezember 2000 bis 4. März 2001), dr FC Tirol Innsbruck (10. Oktober 2001 bis 18. Juni 2002) un zueledzt Austria Wien (4. Juni 2003 bis 24. März 2004) betreut.

Dr Löw het nooch sinere middlere Riifi e Usbildig zum Grosshandelschaufmann gmacht. Er läbt z'Friburg im Brisgau, isch verhirotet (Ehefrau Christine) un het cheini Chinder.

[ändere] Briwat

Er hät z'Schönau s gymy bsucht

[ändere] Grössti Erfolge

Sini grösste sportliche Erfolge as Trainer sin dr Gwinn vum DFB-Pokal anno 1997 und s Erreiche vum Finale vum Europapokal vu dr Pokalsiger anno 1998 gsi (beides mit em VfB Stuegert) sowie die östriichisch Meisterschaft anno 2002 (mit em FC Tirol Innsbruck).

Nooch dr EM 2004 un em Rucktritt vum Rudi Völler het dr Löw näbenem Jürgen Klinsmann un em Oliver Bierhoff s'Füehrigstrio vu dr dytsche Nationalelf komplettiert, mit der er bi dr Fuessballweltmeisterschaft 2006 dr dritt Platz erreicht het.

Am 12. Juli 2006 isch dr Joachim Löw in ere Pressekonferenz vum DFB als nöie un demit insgsamt 10. Trainer vu dr dytsche Fuessballnationalmannschaft vorgstellt worre. Säller Platz isch frei worre, noochdem dr Jürgen Klinsmann sich defür entschide het, sinen am 31. Juli 2006 uslaufende Vertrag nimmi z'verlängere. Dr Löw het zuenächst e Vertrag yber zwei Johre erhalde. Er soll die dytsch Nationalmannschaft im Rahme vu ihrer noch z'erspilende Deilnahm an dr EM 2008 zum Titel füehre un debi die zämme mit em Jürgen Klinsmann agfange Linie in dr sportliche Leitig furtfüehre.

Persoonedaate
NAME:	Löw, Joachim
ALTERNATIVNAMEN:	Jogi Löw
KURZBESCHREIBUNG:	deutscher Fußballtrainer
GEBURTSDATUM:	3. Februar 1960
GEBURTSORT:	Schönau im Schwarzwald
STERBEDATUM:
STERBEORT: