Hochblauen

Us der alemannische Wikipedia, der freie Dialäkt-Enzyklopedy

Technische Yschränkung:
Dr koräkt Titel wär: »Hochblau«

Hochblau
Dr Hochblau uf ere alde Boschtcharte (um 1900), vu Badenwiler us gsähe
Höchi	1.165 m
Lag	Bade-Württeberg, Dütschland
Gebirge	Schwarzwald
Geographischi Lag	47° 46′ 39" N, 7° 42′ 04" O

Dialäkt: Markgräflerisch (Ebringe)

Sendeturm

Dr Hochblaue oder numme churz Blaue isch e Berg im südliche Schwarzwald un 1165 m hoch. Dr Gipfel lit Beriich vu dr Gmarkige vu Badewiler im Landchreis Brisgau-Hochschwarzwald) un Schlienge sowie Malsburg-Marzell im Landchreis Lörrch. Er isch e ideale Ussichtspunkt mit Blick uf dr Schwarzwald, d'Oberrhiebeni, d'Vogese un d'Alpe.

Uf em Blaue befindet sich bi 47° 46' 42" n. Br. un 07° 42' 05" ö. L. e 21 Meter hoche Ussichtsturm (erbaut 1895 vum Schwarzwaldverein) in Stahlfachwerkbauwiis un bi 47° 46' 39" n. Br. un 07° 42' 07" ö. L. e 50 Meter hoche Fernmeldeturm vu dr Dütsche Telekom fer UKW un Richtfunk in Stahlbetonbauwiis (Typeturm). Vu dert werre folgendi Radio-Programme verbreitet: SWR1 Baden-Württemberg (89,2 MHz/8,4 kW), SWR2 (92,6 MHz/8,4 kW), SWR3 (97,0 MHz/8,4kW), Dütschlandfunk (105,1 MHz/10 kW), Radio Rägeboge (101,1 MHz/8,4 kW) und 106.0 Antenne Südbade (106,0 MHz/8,4 kW). Zuedem isch dert au s'Amateurfunkrelais DB0YE underbrocht.

Dr Sender versorgt hauptsächlich s'südlich Oberrhidal sowie wiiti Deile vu dr Landchreise Brisgau-Hochschwarzwald un Lörrach. Aber au in dr Nordwestschwiiz sin d'Blaue-Frequenze noch guet z'empfange. Bis am End vu dr 1980er Johre sin die domolige SWF-Programme bis witt hinter dr Vogese z'höre gsi. Ufgrund vu internationale Vereinbarige auch mit Frankriich het aber d'Leistig vum Sender in Westrichtig aber uf e Mindistmass reduziert werre.