Luanda
vanuit Wikipedia, die vrye ensiklopedie.
Luanda (vroeër Loanda) is die hoofstad en grootste stad van Angola (Suidwes-Afrika) en die gelyknamige Angolese provinsie met sowat drie miljoen inwoners (2005). Die stad, wat aan die Atlantiese Oseaan lê, is ook die land se belangrikste hawe.
[wysig] Demografie
Die bevolking van Luanda is oorwegend van Swart-Afrikaanse afkoms, met die Ovimbundu, Kimbundu en Bakongo as die belangrikste stamme. Daar is 'n baie klein minderheid van Europeërs. Die amptelike en ook mees gesproke taal is Portugees, alhoewel die bevolking ook 'n aantal inheemse tale praat.
[wysig] Geskiedenis
Die stad is in die jaar 1575 onder die naam São Paulo de Luanda deur Portugese gestig en dien (met die uitsondering van die tydperk tussen 1640 en 1648) sedert 1627 as die administratiewe sentrum van die kolonie Angola. Daarbenewens is Luanda vanaf die jaar 1550 tot by omtrent 1850 'n belangrike sentrum vir die slawehandel, met Brasilië as die hoofbestemming.
Die groot meerderheid van die Portugese bevolking vlug na die onafhanklikheidswording van die land in 1975 uit die stad. Hulle is deur groot getalle Kubane vervang, wat meestal as soldate na Angola gekom het.
