Koningin Maudland

vanuit Wikipedia, die vrye ensiklopedie.

Koningin Maudland (Noors: Dronning Maud Land) is die deel van Antarktika wat tussen die terminus van Stancomb-Willsgletser, by 20°W, en Shinnangletser, by 44° 38'O lê. Dit het 'n landoppervlak van ongeveer 2 500 000 km² wat meestal deur die Antarktiese ysplaat bedek is. Dit is deur Noorweë opgeëis op 4 Januarie 1938, maar soos alle ander aansprake in Antarktika, word dit nie universeel erken nie en is die gebied onderworpe aan die Antarktiese Verdrag.

Koningin Maudland word verdeel in vyf kus gebiede waaraan gedink kan word as sektore wat van wes na oos tot by die Suidpool strek (kloksgewys):

No.	Sektor	Oppervlak (km²)	Westelike Grens	Oostelike Grens
1	Kronprinsesse Märtha Kyst	970 000	020°00' W	005°00' O
2	Prinsesse Astrid Kyst	580 000	005°00' O	020°00' O
3	Prinsesse Ragnhild Kyst	540 000	020°00' O	034°00' O
4	Prins Harald Kyst	230 000	034°00' O	040°00' O
5	Prins Olaf Kyst	180 000	040°00' O	044°38' O
	DRONNING MAUD LAND	2,500,000	020°00' W	044°38' O

Die gebied is vir die eerste keer in 1930 deur Hjalmar Riiser-Larsen besoek as deel van pogings om die Antarktiese gebied te karteer. Roald Amundsen het dit voorheen ter ere van Koningin Maud van Noorweë en die hele plato wat die Suidpool omring Haakon VII's Vidde ter ere van Koning Haakon VII van Noorweë vernoem. Die gebied wat oorspronklik deur Amundsen as Koningin Maudland geïdentifiseer is het tussen 37° en 50° Oos gelê.

In 1985 het Noorweë die Tor navorsingstasie by Svarthammaren op Koningin Maudland se Prinses Marthakus opgerig; en in 2005, Koning Sonja van Noorweë nog 'n navorsingstasie genaamd Troll by Jutulsessen geopen. Dit verskil van ander Antarktiese navorsingstasies in die sin dat dit nie op ys geleë is nie maar op 'n sneeuvrye rotsbedekte helling.

[wysig] Chronologie

1832	John Biscoe se ekspedisie beweer dat hulle Grahamland waargeneem het, een bron one source stel egter dat dit Anverseiland was.
1893	Carl Anton Larsen ontdek en benaam Grahamland se Foynkus, Koning Oscarland, Jasonberg en Robertsoneiland.
24 Jan 1895	Carsten Borchgrevink onderneem wat na bewering die eerste landing op Antarktika is. Drie jaar later lei hy die eerste geselskap om op die kontinent te oorwinter.
14 Des 1911	Vyf Nore, onder leiding van Roald Amundsen, is die eerste mense om die Suidpool te bereik.
1930	Hjalmar Riiser-Larsen vlieg oor die gebied wat te vore Dronning Maud Land (Koningin Maudland) deur Roald Amundsen genoem is.
14 Jan 1938	Dronning Maud Land, geïdentifiseer as die gebied tussen 45° en 20°O word formeel deur Noorweë opgeëis.
19 Jan 1939 tot 23 Mei 1945	Die gebied tussen 20°O en 10°W word deur Nazi Duitsland opgeëis as "Duits Nieu-Swabië" (Deutsche Neuschwabenland). Dit is deur geen ander land erken nie.
13 Jan 1941	Duitse kommando's gaan aanboord van en buit twee Noorweegse fabriekskepe in die see noord van Koningin Maudland. Teen die einde van die volgende dag het die Duitsers besit geneem van drie fabriekskepe en elf vissersskape. Die Duitse Vloot gebruik daarna 'n hawe op Kerguleneiland as 'n basis om Geallieerde skepe aan te val.
1948	Die Noorweegse PoolInstituut, as deel van die Noorweegse Ministerie van Omgewingsake, word die administrasie van Dronning Maud Land toegesê.
1957	In Noorweë word Dronning Maud Land onderworpe aan Noorweegse soewereiniteit as 'n afhanklikheid.