Sport In Scotland
Frae Wikipedia
Scotland haes its ain naitional sportin competeetions spleet fae the competeetions in the ither launds o the Unitit Kinrick, an its ain teams at mony internaitional sportin ploys like the fitbaw Warld Cup, awtho there isna a Scots team at the Olympic Gemmes, juist a Breetish ane.
Fitbaw is the maist popular sport, baith for playin an watchin. The Scottish Football Association is the seicont auldest naitional fitbaw associe in the warld an the Scottish Cup is the warld's auldest naitional trophy. Scots professional rugby clubs plays in the Celtic League agin teams fae Wales an Ireland. Houaniver, there is a naitional league for amateur an semi-pro clubs an aw.
Shinty is rin by the Camanachd Association an is played for the maist pairt in its Hieland hertland, but in maist o the universities an ceeties an aw.
The toun o St Andras is the hame o gowf an the rules wis set by the toun's Royal and Ancient Golf Club in 1897. Scotland is weel kent the warld ower for its mony links coorses.
Scotland is the hame tae curlin an aw. Forby it's no sae popular the day as it is in Canadae, it's aye mair popular in Scotland nor it is in ony o the ither launds in Europe.
Scotland haes the warld's auldest caitchpule (for real tennis) whaur a few fowk plays caitch.
Snooker, hockey, basketba an tennis, is aw gey popular as weel. There is e'en aboot 12,000 cricketers in Scotland. It isna juist a sport for the Inglis altho there is a guid few Scots fowk that thinks it is, as Scotland pleys as an Inglis Coontie.
