Esporte
De Biquipedia
 |
|
O esporte ye una autibidá fesica cheneralmén empara a determinatos reglamentos. Tien a dople bersán d'o exerzizio y d'a competizión. Bels esportes se prautican con beíclos u atros inchenios que no enantan reyalizar esfuerzada, en cualo caso ye más impotán a maña y a conzentrazión que l'exerzizio fesico. L'esporte gronxia y entretiene, y estable una forma metodica e intensa d'un chuego que tiende a la perfeuzión y a la cordinazión de l'esfuerzada musclar con atisbas a una millora fesica y espritual d'o ser umán. Bels esportes se prautican en equipe y atros indibidualmen.
Contenius |
[editar] Esquimens t'a salú
Ye de conoximiento cheneral que o esporte ye güen t'a salú, anque no perén se saba que esquimens concretos tien. Ta mantener-nos zereños serba aconsellable reyalizar á lo menos Chinnasia de mantenimiento.
[editar] Salú mental
Ye espardita la creyenzia de que l'autibidá fesica ye desagradable, prenzipalmén entre las presonas que no la prautican abitualmen. Sin dembargo, a reyalidá ye que o exerzizio produze güempasar cuan se reyaliza, güempasar que se mantiene dimpués d'a autibidá. Si mientres u dimpués d'a mesma se siente malestar ye porque cualcosa ralla: o exerzizio se fa mal (masiau intenso u tecnica erronia), se tien bel problema de salú que lo contraendica u no se ha trigato lo esporte apropiato.
De feito, a chen que prautica exerzizio abitualmen confiesa que cuan se torna sedentaria o cuerpo se resiente, y encluso no ye raro prebar un sindrome d'abstinenzia.
Bels d'os esquimens apreziables son: reduzión d'a cansera déban d'esfuerzadas licheras (como puyar escaleras, correr, nadar...), millor apetito, suenio más arrepetazador, disparixión de bels laquias que pueden estar debidos a manca d'autibidá u ton musclar como dolors articulars y contraturas, millora d'as esfensas (inmunidá), achiquidura d'o risque de patir malotías cardiobasculars, reduzión d'o estrés inteleutual (por o componén ludico y a relaxación mental), aumento d'a autoestima (por a superazión progresiba d'obchetibos, achiladá y alquisizión de mañas nuebas), ezetra. A millora inizial d'a forma fesica ye considerable; ya en o primer mes y meyo, realizando una autibidá de 30 menutos, 3 begadas por semana, se nota un gran progreso. Esplorazions y analís mericos deteutarán cambeyos fesiolochicos como: achiquidura d'a tensión alterial, d'a frecuenzia d'o pulso, d'a tasa de colesterol "dolento"(LDL) y trigliceridos, y d'a gluzemia; y aumento d'a capazidá alentatoria, d'o numero de globulos royos y blancos...
Ye mui impotán creyar l'abito d'o exerzizio en ninos y chobens a trabiés d'o desfrute de chuegos, esportes y exerzizios en collas d'amigos u en familla, lo cualo guaranzia a continazión en a bida crexada d'ista saludable autibidá.
[editar] Estrés y esporte
O exerzizio entrefila un gasto d'enerchía (a troxar d'as reserbas de glucocheno musclar y epatico, y d'os lipidos d'o paniculo adiposo) que si no se gasta se acarraza en forma de graxa propiziando o sobrepeso y l'obesidá. L'exerzizio aduya a cremar o eszeso de calorías que gastamos en a dieta y aduya a reducir l'arrobes d'estrés y angluzia.
[editar] Esporte d'elite
O esporte d'elite no ye guaire saludable. Os esportistas son chusmesos a esfuerzadas estremas que lis conduzen a desequilibrios fesiolochicos y esgarros muclars, de binzas y de chugaders. L'obchetibo de l'esporte d'elite no ye una millora d'a salú sino batir una marca u ganar una competizión.
O dopping, á lo que se beyen aforzatos os esportistas profesionals ta mantener o suyo ran ye un risque adibito que causa moltiples efeutos secundarios indeseyables, y mesmo risque bital.
[editar] Beyer tamién
- Fesioterapia d'o esporte
