Giuseppi Pitrè
Di Wikipedia, la nciclupidìa lìbbira.
Giuseppi Pitrè (Palermu, 21 di dicemmiru 1841 - 10 di aprili 1916) fu un sicilianu allittratu celibbri, supratuttu pû sò travagghiu nta l'area di folklori sicilianu. Aveva fattu li soi studî nnâ midicina, ma si accupau dû folklori di l'isula nta ogni aspettu e cu granni didicazzioni. Pitrè ideau e realizzau lu "Museu etnograficu sicilianu", chi asisti ancora oggi a Palermu, e unni cugghìu tuttu chiddu chi truvau supra la cultura dû sò pòpulu.
Ntra lu 1871 e lu 1913 pubbricau la Biblioteca delle tradizioni popolari siciliane chi cumprenni vinticincu vulumi. (Viditi st'asempiu nicu dû vulumi IV: Folklori:Tutti Semu). Sta cugghiuta di nuvelli, liggenni, custumi, canti, pruverbi, jochi e stori, pâ prima vota, difini la natura e li cunfini dû folklori sicilianu.
Ntô libbru Fiabe, novelle e racconti popolari sicilani trascrivi certi cunta e fàuli pupulari di l'èbbica, tra cui li cunta di Giufà.
N'autra opira ppi cui Pitrè veni canusciutu è pâ Grammatica Siciliana (suttatitulata: un saggio completo del dialetto e delle parlate siciliane). Stu libbru (pubbricatu ntô 1875) nun veni titulatu pricisamenti picchì la maggiuranza dû libbru nun si accupa dâ grammatica siciliana spicificamenti. Lu libbru havi tri parti:
- Teoria dei suoni, o la tiuria dî soni, chi si tratta supratuttu dî canciamenti dî soni tra lu latinu e lu sicilianu;
- Teoria delle forme, o la tiuria dî formi. Sta parti si tratta cchiù o menu dî formi grammatichi dâ lingua siciliana; e
- comu n'appendici, la littiratura siciliana (ma sulu chidda scritta ntô talianu).
Puru siddu sta grammatica veni scritta ntô 1875, ancora riteni pirtinenza oggi pû studiu dû sicilianu (viditi Cumpenniu Stilisticu).
