Alba

Test an lenga piemontèisa

Alba a l’é na comun-a ëd 30.083 abitant dla provincia ëd Coni.

[modìfica] Frassion

Le frassion d'Alba a son:

• Altavila
• An Com
• Bijin
• Gal d'Alba
• Misòt
• Scaparon
• San Cassan
• San Ròch Sinadèira
• San Ròch 'd ra Cherasca
• Santa Rosalìa

[modìfica] Stòria

An época roman-a, Alba a l'era un dij munissipi roman pì amportant, ciamà Alba Pompeia. Columela a scriv che ij formagg dla val Tani a vnisìo esportà a Roma e Polibio, Enòbio, Plinio e Strabon a parlo dij vin, dzortut pròpe da 'nt la region d'Alba.

[modìfica] Produssion tìpiche

Antra le produssion tìpiche d'Alba a-i son le ninsòle.

[modìfica] Albèis famos

• Publio Elvio Pertinas (126-193), imperator roman

[modìfica] Associassion

• Famija Albeisa, fondà dël 1955

[modìfica] Curiosità etimològiche

Ël Dòm d'Alba

Ëdcò la Scòssia, tant an Gaélich scossèis antich che modern, as ciama Alba (IPA: [ˈaɫəpə]). Con l'istess sust as dòvro ëdcò Alba an irlandèis, e Albu an vej gaèlich. Ës nòm-sì a ven da na veja paròla séltica che as dovrava për ciamé la Gran Brëtagna antrega, e che a l'é restà fin-a al dì d'ancheuj ant la costuma dë ciamela Albion.

Ël nòm a l'é dovrasse antra le gent gaéliche për dì Ìsola Britànica fin-a anviron aj sécoj che a fan IX-X, quand a l'é passà a vorej dì Règn dij Pictii e djë Scotii (nòm nativ Pictavia e Dál Riata). Ij doj règn a restavo a setentrion dël fium Forth e dla boca dël Clyde, e a-i ero stait unificà da Cináed mac Ailpín. Na vira che ant l'Àut medioev a l'han latinisalo an Àlbania, sò nòm a l'ha peuj daje adoss a vàire topònim anglèis e american ant la forma Albany.

[modìfica] Aministrassion

Ël sìndich a l'é Giuseppe Rossetto (dal 28/06/2004).

[modìfica] Sità gemelà

Alba a l'é gemelà con:

• Banská Bystrica, Slovachia
• Beausoleil, Fransa
• Böblingen, Gërmania
• Medford, Stat Unì d'América

[modìfica] Anliure esterne

• Sit istitussional