Wikipedia:Claviera piemontèisa

Test an lenga piemontèisa

Ëd piemontèis spatarà për ël mond a-i në j'é 'n rabel e mes, e soèns i l'oma ël problema che ij piemontèis dël Piemont a son pì vantagià a scrive, con lòn che lor ij caràter acentà ant sla claviera a j'han. Ma ëdcò ij resident piemontèis a l'han sempe ël problema dë scrive na Ë ò pura che a-i manco le vocal acentà maiuscole. Costa claviera-sì a dovrìa podej esse na prima solussion, almanch pèr coj ch'a dòvro 'd sistema operativ microsoft.

[modìfica] Për dëscariessla

Basta mach che i-i bate dzora al nòm dl'archivi dont av fa da manca për dëscarievlo, salvevlo ansima a vòstra màchina e peuj i peule anandié l'installassion. L'archivi as treuva ant sna màchina dël portal an piemontèis i-iter che an fa la cortesìa dë buté lë spassi dë stocagi për st'archivi-sì a disposission dj'utent ëd lenga piemontèisa.

[modìfica] Version dl'archivi disponibij

Sernive vòstra version conforma a che claviera che i l'eve e batì-ie un colp ëdzora col rat:

• Për claviera american-a
• Për claviera italian-a (cola che a l'ha già vàire acentà, ma sensa pa nì acentà maiùscole, nì la Ë. N'Italia për sòlit av vendo cola-lì).

[modìfica] Për anstaless-la

1. Dëspacheté l'archivi ansima a vòstra màchina (av fa dabzògn d'un programa che as ciama ZIP ò RAR, conforma a coma a finiss ël nòm dl'archivi). Se i seve nen bon feve giuté da cheidun, mej da na masnà, che lor a son sempe dij gabolon. A l'é n'operassion técnica che as fa mach na vira ant la vita, sagrineve nen se av son-a misteriosa.
2. Bati-ie dzora a l'archivi Piemont.msi col rat e la claviera a s'anstala daspërchila.
3. Deurbe 'l panel ëd contròl e clicheje dzora a l'icòna Opzioni internazionali e della lingua (Opsion internassionaj e dla lenga) .
4. Gionté la lenga che i veule (pr'esempi 'l fransèis Fransèis dël Canadà, l'istessa ch'a dòvra ël coretor ortogràfich piemontèis për Word). Fè 'me ch'i veule, che a buté la lenga piemontèisa ant la lista dle lenghe 'd Windows i soma anco' nen bon
5. për claviera sernive "piemontèis"
6. bòn, fàit, travajé pura.

[modìfica] Për dovrela

Sota a lë scherm a la drita (andoa a-i é la mostra) av ven fòra la sigla IT (ò n'àutra, se coma prima lenga i l'avìe pa l'italian), che as peul cangesse ant la neuva lenga ch'i l'eve butave për ël piemontèis. E quand che i veule as peul sempe d'ambelelì selessioné torna la lenga che i l'avìe prima. Bon travaj.

[modìfica] Condission ëd licensa a gràtis

Dela pura ën gir a chi che i veule, mach che a sia ciàir che la claviera a la ven lìbera e a gratis, a le condission dla licensa GNU, sensa pa 'd garansìa. Chi ch'a la dòvra a lo fa a sò arzigh, gnun a-j da a gnun gnun-a assistensa e gnun a veul savejne s'a la fasèissa 'd darmagi. Quand che as pija dla ròba a gràtis le condission a son coste-sì.

[modìfica] Com a travaja

[modìfica] Compatibilità

Për piasì, quand i la monte dzora a n'àutr sistema operativ ò pura con n'àutra claviera, marché ambelessì che i l'eve passà la preuva, che almanch la documentassion a la chërs. Costa a l'é la tradission con ij programa a gràtis. Tùit a dan na man a deje deuit, ëdcò con la documentassion e 'l colàud.

Archivi claviera Piemont.rar

1. windows 2000 - a travaja con
   • claviera stàndard american-a
   • claviera russa e ucrain-a
2. windows XP - a travaja con
   • claviera stàndard american-a
   • claviera russa e ucrain-a

Archivi claviera NossPiem.zip

1. windows 2000 - a travaja con
   • claviera italian-a

[modìfica] Gran-e e coma gavesse da 'nt le mideme

Se av dèissa ëd problema scrivì na riga ant le discussion dë sta pàgina-sì, e i vardëroma dë giuteve.