Alfred Dreyfus
Un article de Wikipèdia, l'enciclopèdia liura.
Alfred Dreyfus (Mulhouse, 1859 - París, 1935) foguèt un oficial francés josieu d'origina alsaciana. Acusat e condemnat per traïson abans d'èsser indultat e apuèi reabilitat. Foguèt lo centre del màger conflicte social e politic de la Tresena Republica Francesa, nomenat afar Dreyfus.
[Modificar] Biografia
Dempuèi la desfacha dins la guèrra francoprussiana, en 1871 França perdèt Alsàcia, e en fasent emplec de la possibilitat d'eleccion, en 1872 la familha d'Albert Dreyfus optèt per la nacionalitat francesa, e abandonèt la region. Alavetz lo joven Dreyfus, que desirva de vèire un còp mai una Alsàcia francesa, decidiguèt seguir la carrèra militara. En 1878 comencèt d'estudis a l'escòla politecnica e devenguèt oficial d'artilleria. En 1890 comencèt l'escòla de Guèrra e lo meteis an se maridèt amb Lucie Hadamard. En 1893 foguèt destinat a l'Estat Màger de l'armada dins lo Ministèri de la Guèrra coma capitani en practicas. En 1894 es acusat d'espionatge. Condemnat a deportacion, foguèt degradat lo 5 de genièr de 1895 e deportat a la preson de l'illa del Diable. L'escrivan Émile Zola s'impliquèt dins l'afar Dreyfus e publiquèt dins lo diari "L'Aurore" son famós Ieu acusi (Letra al President de la Republica). Lo 12 de julhèt de 1906, la Còrt de cassacion anullét definitivament lo jutjament. Foguèt reintegrat a l'Armada amb sos onors totes, e se retirèt amb lo grad de comandant.
