Alfred Dreyfus

Us der alemannische Wikipedia, der freie Dialäkt-Enzyklopedy

Alfred Dreyfus [alˈfʀɛd dʀɛˈfys] (* 9. Oktober 1859 in Mülhausen; † 12. Juli 1935 in Paris) isch ä französischr Offizier gsi.

Alfred Dreyfus isch als Sohn vu nem Textilunternehmer us Mülhausen (Elsass) gbore worre. Nochdäm s Elsass duerch de 70'er Krieg 1870 zum Dytsche Reich kumme isch, isch er mitm Teil vun de Familie nôch Paris gônge un het d französisch Schtaatsbyrgerschaft nit volore. Er het vun 1882 bies 1889 schtudiert un isch Berufsoffizier in de französisch Armee worre.

1894 isch er, als Houptmann, als Gheimnisverrätr bzichtigt worre. Er soll Gheimniss ôn s Dütsche Reich vorôte ho un isch ôm 22. Dezember 1894 vum nm Kriegsgricht in Rennes wege Lôndesverrat degradiert worre un zuer lebenslänglich Vobannung uf d Teufelsinsel vourteilt worre. Om 5. Jänner 1895 isch d Degradierung in erniedriegändr Form in de Ecole Militaire vollzoge worre, bvor er ôm 17. Jänner uf d Teifelsinsel deportiert worre isch. Im Zommenhông mim Prozess isch zue antisemitischi Demonschtratione un nationalistisch Hetz gege Dreyfus un d Republik in de Press kumme.

In de folgendi Jôhr ischs usm Justizirrtum ä Justizskandal worre, wil Bweis gfälscht worre sin un de eigentlich Schuldig gdeckt worre isch. D französisch Republik isch vun de Dreyfus-Affäre erschüttert worre un ôm Rond vum Byrgerkrieg gschtônde.

Schu bal het sich rusgschtelltstell, des d Beweise gege de Offizier gfälscht worre sin. De Émile Zola un ôndri hen sich fyr d Rehabilitierung igsetzt. Bkônnt worre isch de Brief vum Zola J'accuse, wue in de Zytung L'Aurore erschiene gsi isch.

1899 isch de Prozess nomôl ufgrollt worre. M Ônklagte Dreyfus sin abr nuer milderndi Umschtänd gebilligt worre, un er isch zue 10 Jôhr Gfängnis vôurteilt worre. De französisch Präsident het sich de international Kritik gbeugt un de Dreyfus bgnadigt. Alfred Dreyfus isch im Erschte Weltkrieg als Major reaktiviert worre un he in de französisch Armee gdient. Dän isch r schpätr zuem Oberstleutnant bfördert worre. Mit däm Rông isch r dän endgyltig usgschiede.

Ôm 12. Juli 1935 isch de Alfred Dreyfus in Paris gschtorbe.

D Dreyfus-Affäre isch au im Mittelpunkt vun de Filmbiografie The Life of Emile Zola (1937) untr de Regie vum William Dieterle mitm Paul Muni als Zola un Joseph Schildkraut als Dreyfus gschtônde.

[ändere] Werk

• Cinq années de ma vie 1894–1899. – Paris : Eugène Fasquelle, 1901

[ändere] Literatur

• Duclert, Vincent: Die Dreyfus-Affäre. Militärwahn, Republikfeindschaft, Judenhaß, Wagenbach TB : Berlin 1994 (isch ziemli schpekulativ)
• Hannah Arendt: Elemente und Ursprünge totaler Herrschaft. Antisemitismus, Imperialismus, totale Herrschaft, bi Piper, Münche Züri, 7. Uflag Februar 2000, ISBN 3-492-21032-5, dert Kapitel I, Abschnitt 4: Die Dreyfus-Affäre, S. 212-272; erste deutsche Ausgabe: 1986, englische Originalausgabe: The Origins of Totalitarism, bei Harcourt Brace Jovanovich, New York, 1951
• Kotowski, Elke-Vera/ Schoeps, Julius H.(Hrsg): J'accuse...! - ... ich klage an!. Zur Affäre Dreyfus. Eine Dokumentation, Berlin 2005. ISBN 3-935035-76-4

[ändere] Ekschterni Syte

• Literatuur vo und über Alfred Dreyfus im Kataloog vor DNB
• http://www.dhm.de/lemo/html/biografien/DreyfusAlfred/
• http://encarta.msn.com/encnet/refpages/RefArticle.aspx?refid=761560347
• http://www.dreyfus-ausstellung.de
• http://www.tour-literatur.de/Links/links_autoren/zola_links.htm
• http://www.justizskandale.de/hilfe/dreyfus.html

Persoonedaate
NAME:	Dreyfus, Alfred
ALTERNATIVNAMEN:
KURZBESCHREIBUNG:	französischer Offizier
GEBURTSDATUM:	9. Oktober 1859
GEBURTSORT:	Mülhausen
STERBEDATUM:	12. Juli 1935
STERBEORT:	Paris