Kattefamilien

Frå Wikipedia – det frie oppslagsverket

Kattefamilien
Teikning av urkatten Proailurus, opphavet til fleire noverande katteartar.
Systematikk
Klasse:	Mammalia
Orden:	Carnivora
Familie:	Felidæ
Underfamiliar
Felinæ Pantherinæ Acinonychinæ Machairodontinæ (utdøydd)

Kattefamilien (Felidæ) er ein rovdyrfamilie med ca 35 ulike artar spreidd over heile verda unnteke Oseania og Antarktis. Med drahjelp frå tamkatten kan dei seiast å vera den mest vellukka familien blant rovdyra.

Dei er kjøttetarar og predatorar, og brukar dei store kvasse hjørnetennene sine til å fange bytte. Eit typisk kattedyr er ein einsam jegar med tilhaldsstad i ein skog.

Innhaldsliste 1 Store kattedyr 2 Små kattedyr 3 Utvikling 4 Artsoversyn 5 Bakgrunnsstoff 6 Kjelder

[endre] Store kattedyr

Dei store kattedyra høyrer til slektene Panthera, Acinonyx og Neofelis, og skil seg frå dei mindre kattane ved å kunne brøla og å ha pels mellom snute og overleppe. Til denne gruppa høyrer nokre av dei mest frykta pattedyra i verda, mellom anna løve, tiger og leopard.

[endre] Små kattedyr

Dei små kattedyra har ein malande låt og høyrer til underfamilien Felinæ. Det finst om lag 30 artar små kattar, mest kjend er den vanlege huskatta. Trass i namnet kan fleire av artane i denne gruppa bli ganske store, mellom anna puma, gaupe og serval.

[endre] Utvikling

Dei første kattedyra kom til for rundt 40 millionar år sidan, i eosentida. Familien er truleg mest i slekt med mungoane, snikekattanae og hyenene.

Dei første medlemmane i kattefamilien dukka opp for om lag 50 millionar år sidan, i tidsperioda eocen. Mellom dei mest kjende forhistoriske kattedyra kan ein rekna sabeltigrane Smilodon og Homotherium, som levde frå oligocen (ca 38 millionar år sidan) til sein pleistocen (ca 8000 år sidan), men desse har ingen levande etterkommarar i dag. Dei første moderne kattane (underfamilie Felinae) dukka opp i miocen, for 25 millionar år sidan.

Kattedyra er òg dei mest einsidig kjøtetande rovdyra, og dei har ein kort tarm tilpassa denne dietten. Elles liknar dei fleste dyra på kvarandre i bygnad og i visse eigenskaper, som godt mørkesyn og store ungekull.

[endre] Artsoversyn

• Felidæ (Kattedyr)
  • Acinonychinæ
    • Gepard (Acinonyx jubatus)
  • Felinæ
    • Små kattar (Felis)
      • Tamkatt (Felis silvestris catus)
      • Europeisk villkatt (Felis silvestris silvestris)
      • Afrikansk villkatt (Felis silvestris lybica)
      • Asiatisk villkatt (Felis silvestris ornata)
      • Ozelot (Felis pardalis)
      • ++
    • Gaupar (Lynx)
      • Europeisk gaupe (Lynx lynx)
      • Iberisk gaupe (Lynx pardinus)
      • Kanadisk gaupe (Lynx canadensis)
      • Amerikansk gaupe (Lynx rufus)
    • Puma (Puma concolor)
  • Pantherinæ
    • Store kattedyr (Panthera)
      • Løve (Panthera leo)
      • Jaguar (Panthera onca)
      • Leopard (Panthera pardus)
      • Tiger (Panthera tigris)
      • Snøleopard (Panthera uncia)
    • Treleopardar (Neofelis)
      • Treleopard (Neofelis nebulosa)

[endre] Bakgrunnsstoff

[endre] Kjelder

• Svensk Wikipedia
• Engelsk Wikipedia