Signo diacritic
De Wikipedia, le encyclopedia libere
Un signo diacritic o diacritico (del greco διακριτικός diacriticos, "que distingue") es un signo placiate super (diacritico superscripte), sub (diacritico subscripte), in o a transverso (diacritico inscripte), post (diacritico adscripte), ante (diacritico prescripte) o toto circum (diacritico circumscripte) de un graphema pro:
- modificar le valor phonetic de illo;
- permitter un lectura plus precise (le diacriticos non es ergo obligatori);
- o evitar un ambiguitate inter homographos.
Il existe etiam litteras diacritic, mute e necessarimente scribite al latere del littera que illos modifica. Alcun tal litteras ha potite devenir un signo diacritic (vide Umlaut e Corona).
Como le ligaturas e le litteras supplementari inventate depost, le addition de diacriticos extende le numero de graphemas de un scriptura. In numerose casos, le littera con diacritico non es considerate como un graphema independente sed como un allographo, isto es un altere version scripte del littera simple. Le littera con diacritico non interveni ergo in le classification alphabetic.
Pecietta de linguistica
Iste articulo es ancora in stato embryonic: illo es un pecietta. Nos te invita cordialmente a completar lo pro meliorar Wikipedia in Interlingua.
