Christianismo
De Wikipedia, le encyclopedia libere
Tabula de contento |
[modificar] Etymologia
Ab "christiano" (uno qui crede in le Christo) e "-ismo" (systema philosophic).
[modificar] Definition
Le Christianismo es un gruppo de traditiones religiose que origina de Jesus Christo secundo le testimonio, predication, inseniamento, experientias e exemplo de su prime discipulos, registrate in le collection de scriptos que nos esseva transmittite in le Nove Testamento.y es muy tradicional.
[modificar] Introduction
Le Christianismo consiste de tres brancas principal: le Catholicismo, le Orthodoxia oriental e le varie regruppamentos del Protestantismo. Altere brancas del Christianismo surgeva, le quales o vole distinguer se del primes hic mentionate, o assere haber un lineage historic separate. Le plus grande inter iste ultimes es le Testes de Jehovah e le Ecclesia de Jesus Christo del Sanctos del Ultime Dies.
Secundo un estimation de 1993, le Christianismo esseva le religion le plus numerose, con 2,1 millardos de adherentes (1 miliardo de catholicos, 500 milliones de protestantes, 240 miliones de orthodoxes e 275 milliones de alteres), ante al Islam a 1,1 miliardos, e Hinduismo a 1,05 miliardos.
Le Christianismo emergeva del Judaismo del prime seculo del Era Commun. Le christianos prendeva de Judaismo su scripturas, le doctrinas fundamental como le monotheismo, le fide in un messia (o Christo, formas de culto, includite le sacerdotio, conceptos de locos sacrate e tempores sacrate, le idea que le adoration hic sur le terra es modellate secundo le adoration de Deo que eveni in le Celo, e le utilisation del Psalmos in le oration comunitari. Le libro del Actos del Apostolos dice que le primes a esser appellate christianos esseva le non-credentes del citate de Antiochia, in le qual illes se habeva refugiate post le prime persecutiones in Palestina, probabilemente poc annos post le morte e le ascension de Jesus.
Le localismo es le inseniamento secundo le qual il ha solmente un authentic Ecclesia christian in omne localitate (p. ex. citate).
Le christianismo credal concerne le fide christian assi como es exprimite in credos, confessiones e catechismos derivate del Scriptura. Isto contrasta con: pietismo, quietismo, religion experiential, e theologia relational
[modificar] Vide etiam
- Vista del judaismo de Jesus
- Vista islamic de Jesus
- Historia del Ecclesia christian
- Theologia christian
- Denominationes christian
- Brancas occidental del christianitate
- Brancas oriental del christianitate
- Altere brancas del christianitate
- Le Christianismo hodie
- Relationes del Christianismo con altere religiones
- Antique gruppos christian hodie extincte, etiam appellate heresias
[modificar] Essayos
- Dictionario de Theologia christian
- Ecclesia Pentecostal
