Rōnin
Na Galipedia, a wikipedia en galego.
- Para outras páxinas con títulos homónimos véxase: Ronin (homónimos).
Un rōnin (en xaponés 浪人) literalmente "home onda" - un home errante como unha onda no mar) era un samurai sen amo durante o período feudal de Xapón, entre 1185 e 1868. Un samurai podía non ter amo debido á ruína ou a caída deste, ou porque perdía o favor deste.
O xeito máis sinxelo que había para que un samurai acabase sendo rōnin era a través do nacemento. O fillo ou filla dun rōnin tamén era rōnin, sempre que non renunciase ao seu estatus. A miúdo o rōnin por nacemento soñaba con demostrar a súa valía para poder xurar lealdade cun clan, converténdose así nun verdadeiro e auténtico samurai. Aínda que isto ocorrese de cando en vez, era algo infrecuente, reservado aos máis talentosos, pois poucos Daimyos estaban dispostos a sentar un precedente permitindo que un rōnin entrase no seu clan. Mais a miúdo os rōnin eran enviados en certas misións coa promesa da admisión, para logo negárllela baseándose nalgún tecnicismo.
Un dos máis famosos rōnin foi Miyamoto Musashi.
