Océano Antártico
Na Galipedia, a wikipedia en galego.
| Os cinco océanos |
|---|
O Océano Antártico (tamén coñecido por Océano Austral) é o nome dado ao conxunto das augas que bañan o Continente Antártico, que en realidade constitúen o prolongamento meridional do Océano Atlántico, Océano Pacífico e Océano Índico. Moitos científicos, oceanógrafos e xeógrafos, non recoñecen a existencia do Océano Antártico, considerándoo como unha conxunción de partes dos outros océanos.
O Océano Glacial Antártico exténdese desde a costa antártica até os 60° S, límite convencional co Océano Atlántico, o Océano Pacífico e o Océano Índico. É o penúltimo océano en extensión (só o Océano Ártico é menor). Formalmente, a súa extensión foi definida pola Organización Hidrográfica Internacional no ano 2000 e coincide cos límites fixados polo Tratado Antártico.
O Océano Antártico é o único a rodear o globo de forma completa, e rodea completamente a Antártida. Ten unha superficie de 20.327.000 km², unha cifra que comprende aos mares periféricos: o Mar de Amundsen, o Mar de Bellingshausen, parte do Estreito de Drake, o Mar de Ross e o Mar de Weddell. A terra firme é visíbel sobre o océano con 17.968 km de costa.
Índice |
[editar] Historia
Xudicialmente, polo Tratado da Antártica,asinado dia 1 de xaneiro de 1956,o Océano Antártico e o Continente Antártico serían responsabilidade de países, para usos pacíficos e científicos; Chile, Arxentina, Australia, Bélxica, E.U.A, Francia, Xapón, Noruega, Nova Zelandia, Reino Unido, África do Sur e a URSS.
[editar] Clima
A temperatura do mar varía de +10° C a -2 °C. Tempestades ciclónicas móvense do Leste xirando ao redor do continente antártico e son frecuentemente de forte intensidade, e son a causa da diferenza de temperatura entre os xeos e o océano aberto.
A superficie oceánica está entre os 40° de latitude Sur e a Corrente Circumpolar Antártica que ten os ventos máis fortes do planeta. No inverno o océano esténdese até os 65° S en dirección ao Pacífico e até os 55° S en dirección ao Atlántico, deixando a temperatura superficial baixo cero. Nalgunhas costas, os fortes e constantes ventos que veñen do interior manteñen a costa libre de xeo tamén no inverno.
A capa que se forma ao redor do continente antártico, é de aproximadamente 1 m de profundidade, posúe polo menos 2,6 millóns de km² en marzo e chega ao máximo de 18,8 millóns de km² en setembro, un aumento de máis de sete veces. A Corrente Circumpolar Antártica, de 21.000 km de longo, móvese eternamente para o Leste. É a maior corrente do mundo, e transporta 130 milhões de m³/s, 100 veces máis que todos os ríos da Terra xuntos. As ondas poden ser moi altas. Os icebergs antárticos poden posuir dimensión impoñentes, extendéndose por kilómetros e constitúen un perigo para a navegación.
O punto máis profundo do océano atópase no extremo meridional da Fosa Sandwich do Sur e alcanza 7.235 m de profundidade.
[editar] Fondo oceánico
O Océano Antártico, cunha profundidade xeralmente comprendida entre os 4.000 e 5.000 metros, é un océano profundo con poucas zonas estreitas de augas pouco profundas. A plataforma continental antártica é estreita e relativamente profunda en relación ás outras: dos 400 aos 800 metros, contra unha media mundial de 133 metros.
[editar] Recursos Naturais
Os recursos naturais do Océano Antártico non teñen sido explotados aínda, existen grandes reservas de petróleo e gas natural nas proximidades do continente antártico e nódulos de manganeso. O xeo que cobre a Antártida é a maior reserva de áuga doce do mundo: case 81% do total.
[editar] Biodiversidade
O Océano Antártico ten unha biodiversidade inmensa e aínda moi pouco explorada. A súa fauna varia da de pingüins, pinnípedos e cetáceos, até cianobacterias, fitoplancton e krill, que a pesar de pequenos serven de alimento para os animais maiores. A antártida non ten flora terrestre, e a súa única composición vexetal é feita por algas mariñas e outros organismos autótrofos.
