Roland Garros
Ut Wikipedy
Roland Garros is in tennistoernoai dat yn maaie en juny oer in perioade fan twa wiken holden wurdt. It is it twadde Grand Slam toernoai op de jierlikse tenniskalinder en is tagelyk it belangrykste gravel-toernoai fan de wrâld.
Offisjeel wurdt it "Tournoi de Roland-Garros" neamd, en it toernoai en it stadion dêr't yn spile wurdt binne ferneamd nei in Frânske fleander út de Earste Wrâldkriich. Dizze namme krige it toernoai pas yn 1928, doe't it nije Roland Garros stadion boud waard. Trije jier dêrfoar wie it toernoai, begûn as nasjonaal toernoai yn 1892, iepensteld foar bûtenlanners.
Tsjintwurdich is it toernoai in útwreidsk barren mei sawol manlju en froulju inkelspul, dûbelspul en mingd dûbelspul. De lêste jierren liket it der hieltyd mear op dat allinne de spesjalisten op gravel in goeie kâns op de titel hawwe.
