Fryske Peallen

Ut Wikipedy

Fryske Peallen

Gemeente	Opsterlân
Gritenij	{{{gritenij}}}
Stimmen	{{{stimmen}}}
Ynwenners (2005)	1014
Huzen	{{{huzen}}}
Koördinaten	53° 6' NB, 6° 12' EL
Netnûmer	0512
Postkoade	9249
Webstee	{{{webstee}}}

Fryske Peallen is in doarp yn it noarden fan de gemeente Opsterlân. It doarp hat likernôch 1014 ynwenners (2005). Fryske Peallen leit flakby de grins mei Grinslân en de doarpen Sigerswâld en Oerterp. It doarp leit oan de trochgeande wei fan Bakkefean nei de snelwei A7 fan It Hearrenfean naar Grins.

[bewurkje seksje] Mienskip

Der binne gjin winkels mear. Wol is der noch in winkeltsje foar elektryske apparaten, in waarme bakker, en in ridende buertwinkel. Ek binne der meardere autohandelers en der is in winkel mei fan alles. Fierders moatte de ynwenners boadskipje yn Oerterp en yn it wat fierder lizzende Drachten. De bibleteekfoarsjenning wurdt fersoarge middels in bibliobus. It multyfunksjonele sintrum hjit "De Dobber". De Skâns en de Rehobothskoalle binne de skoallen fan it doarp.

[bewurkje seksje] Ferienings

Read Wyt - fuotbal
Sjofaar - brassband
Nij Libben - toaniel
Eigenwiis - koar

[bewurkje seksje] Skiednis

Fryske Peallen ûntstie yn de 18e ieu as ûntginningsdoarp yn it hege fean. Oant 1953 hearde it doarp by Sigerswâld.

It wapen fan Fryske Peallen is ôflaat fan de skâns dy't steedhâlder Willem Loadewyk yn 1593 bouwe litten hat om de Spaanske legers te warren út Fryslân. De skâns yn it wapen hâldt de Spanjerts tsjin, symbolisearre troch it wapen fan Arragon, mei de symboalen út de Fryske flagge oan de oare kant.

[bewurkje seksje] Befolking:

1954 - 774
1959 - 805
1964 - 749
1969 - 713
1973 - 708
2005 - 1014

[bewurkje seksje] Tsjerklik

Fryske Peallen hat in Gereformearde Tsjerke, dy't by de foarming fan de Protestantse Tsjerke yn Nederlân besleat har mei inkele oare beswierre Gereformearde Tsjerken te ferienjen yn de Fuortsette Gereformearde Tsjerken yn Nederlân. Der is ek in Gereformeard-frijmakke Tsjerke mei sawat 400 leden.

[bewurkje seksje] Ferskaat

Alyt Damstra, toanielspylster by Tryater is berne yn Fryske Peallen.

[bewurkje seksje] Strjitten

't Paad, 't Tolhik, Boskdobbe, De Bodding, De Rusken, De Skieding, De Slûs, Hearsterwei, Kromhoek, Lytse Dobbe, Lytse Leane, Tolhiksleane.

[bewurkje seksje] Iepenbier Ferfier

Fryske Peallen is te berikken mei line 84 dy't fan Drachten nei Assen v.v. rydt (alle dagen) en mei line 89 dy't fan Drachten nei Grins (tusken Drachten en Marum as stoptsjinst, fierders as sneltsjinst) v.v. rydt (allinnich troch de wike bûten fakânsjetiid).