Friûl-Vignesie Julie

De Vichipedie, la enciclopedie libare dute in marilenghe.

Friûl-Vignesie Julie

Non ufiziâl par talian	Friuli-Venezia Giulia
Stât	Italie
Cjâf lûc	Triest
Superficie	7.845 km²
Popolazion	1.210.903 (31/12/2005) ab.
Densitât	156 ab/km²
Provincis	Gurize, Pordenon, Triest, Udin
President	Renzo Tondo

Sît istituzionâl
Cjale il Progjet regjons
{{{notis}}}

Il Friûl-Vignesie Julie è je une regjon de Republiche Taliane cuntun 1,2 milions di abitants cun cjâf lûc Triest.

Il Friûl-Vignesie Julie è je une regjon autonome a statût speciâl, formade dal Friûl (che al à cirche il 90% dal teritori), e dal toc de Vignesie Julie restade sot de Italie dopo la seconde vuere mondiâl.

E confine a soreli jevât cu la Slovenie, a nord cu la Austrie a soreli bonât cun il Venit, e a sud al è bagnât dal Mâr Adriatic.

[cambie] Teritori

La regjon si slargje par scuasit 8 mil chilometris in cuadri, de Cjargne, zone montagnose al confin con l'Austrie, passant pes culinis morenichis, fin ae planure, dividude da la linie des risultivis in alte e basse. Lis cuestis a son bassis a Ovest (Marine di Maran, Marine di Grau e Golf di Panzan) e plui altis e taiuçadis inte zone de provincie di Triest, dulà che lis clevis dal Cjars a rivin fin tal mâr.

[cambie] Storie

Il Friûl-Vignesie Julie al è une regjon istituide daspò de Seconde vuere mondiâl, intal 1963: al è formât dal Friûl storic e dal toc di Vignesie Julie restât ae Italie daspò dal tratât di pâs di Paris. Tal 1964 l'Italie e à ricognossût ae regjon la sô autonomie, par vie de vicinance ae Coltrine di fiâr e des minorancis linguistichis ancjemò presints intes zonis di confin. Tal 1968 e je stade istituide la provincie di Pordenon, dividint in doi tocs la provincie di Udin.
Chest al è un elenc di vôs di Vichipedie su la storie dal teritori prime dal 1945:

Friûl
Storie dal Friûl
Vignesie Julie

[cambie] Economie

[cambie] Agriculture

Il teritori de regjon al è pôc omogeni e no simpri fertil: par chest il setôr de agriculture nol è svilupât come in altris zonis, di mût che la produzion e e je restade a un bas nivel di mecanizazion.
Inte zone montagnose (Cjargne) al è presint l'arlevament di bovins e suins; inte zone colinâr, soredut inte part orientâl de regjon, e si cultive la vît, par produsi diviersis cualitâts di vin (Merlot, Cabernet, etc.). La planure permet di coltivâ soredut blave e jerberave. La pescje e je a vonde svilupade (Lagune di Maran e Lagune di Grau).

[cambie] Industrie

Intai ultims agns la grande industrie e je in decjadince; al dì di vuê a son plui dispatussadis lis impresis di plui piçulis dimensions, derivadis dal mont artesanâl.

Distrets industriâi: Manzan (cjadreis), Sant Denêl (alimentâr), Brugnere (amobiliment)
Grandis industriis: intal cjamp navâl a son logadis intes zonis di Monfalcon e Triest; l'industrie dal açâr e je presint a pôcs chilometris di Udin.

[cambie] Terziari

Turisim:

Tarvis, For Disore, Ravasclêt, Nevee, Plan dal Cjaval: sports invernâi
Lignan, Grau: turisim balneâr
Cividât, Aquilee, Palme: turisim storic e culturâl

[cambie] Transpuarts

[cambie] Aeropuarts

La regjon e je servide da un aeropuart internazionâl, logât a Roncjis di Monfalcon, a 20 chilometris di Gurize, a 33 di Triest e a 40 di Udin.

[cambie] Autostradis

Ducj i cjâf lûcs di provincie a son colegâts ae rêt autostradâl taliane: Triest e Gurize cun la A4, Udin cun la A23 e Pordenon cun la A28.

[cambie] Feroviis

La regjon e je traviersade di impuartantis liniis feroviaris, tant pal trafic passazîrs che pes marcjanziis, come la Ferovie Vignesie-Triest e la Ferovie Udin-Tarvis, prime linie di montagne a alte velocitât in Europe. A Çarvignan si cjate il plui grant scjâl feroviari de regjon.
Là de Union Europeane al è in vore il progjet clamât Coridôr 5, une linie ad alte velocitât che e varà di colegâ Lisbone cun Kiev, e che traviersarà, daûr dal progjet, ancje la basse furlane.

[cambie] Politiche

Zonte regjonâl al dì di vuê (nomenade ai 23 di Jugn dal 2003):

Riccardo Illy - President
Gianfranco Moretton - vizi-president e assessôr al ambient, lavôrs publics e protezion civîl

Assessôrs:

Roberto Antonaz - istruzion, culture, sport e pâs
Ezio Beltrame - salût e protezion sociâl
Enrico Bertossi - ativitâts produtivis
Roberto Cosolini - lavôr, formazion, universitât e ricercje
Michela Del Piero - disvilup e programazion, risorsis economichis e finanziariis, patrimoni, servizis gjenerâi e stessis oportunitâts
Franco Iacop - relazions internazionâls e autonomiis locâls
Enzo Marsilio - risorsis agriculis, naturâls, forestâls e de mont
Gianni Pecol Cominotto - organizazion, personâl e sistemis informatîfs
Lodovico Sonego - planificazion teritoriâl, mobilitât e infrastruturis di traspuart

[cambie] Viôt ancje

[cambie] Leams

(furlan) il sît de Regjon
(talian) il sît de Regjon pa talian

Regjons de Italie
Abruç \| Basilicade o Lucanie \| Calabrie \| Campanie \| Emilie-Romagne \| Lazi \| Ligurie \| Lombardie \| Marchis \| Molise \| Piemont \| Pulie \| Toscane \| Umbrie \| Venit
cun statût di autonomie: Friûl Vignesie Julie \| Sardegne \| Sicilie \| Trentin-Sud Tirôl \| Val di Aoste