Trentin-Sud Tirôl
De Vichipedie, la enciclopedie libare dute in marilenghe.
| Trentin-Sud Tirôl | |
 |
|
| Non ufiziâl par talian | Trentino-Alto Adige/Südtirol Costituzion de Republiche Taliane, Part seconde (test par talian) (Art.116) |
| Stât | Italie |
| Cjâf lûc | Trent |
| Superficie | 13.606 km² |
| Popolazion | 962.464 (2006) ab. |
| Densitât | 71 ab/km² |
| Provincis | Trent, Bolzan |
| President | Lorenzo Dellai |
 |
|
| Sît istituzionâl | |
| Cjale il Progjet regjons | |
Il Trentin-Sud Tirôl [1][2][3][4] (par talian Trentino-Alto Adige, par todesc Trentino-Südtirol e par ladin Trentin-Adesc Aut [5][6] o ancje Trentin-Sudtirol) al è une regjon de Italie dal Nord-Est che al à scuasit un milion di abitants. Al cunfine a Nord cun la Austrie, a soreli jevât e a Sud cun il Venit e a soreli bonât cun la Lombardie. La regjon e je a statût speciâl, dividude in dôs provincis autonomis: une e corispond teritorialmentri al Trentin, e e à par cjâflûc Trent; la altre e corispond al Sud Tirôl e e à par cjâflûc Bolzan. La part dal Sud Tirôl e ven par furlan ancje clamade Alt Adis.
Indis |
Teritori
Il Trentin-Sud Tirôl al è la regjon plui a Nord de Republiche Taliane, e al è completamentri montagnôs. La mont plui alte e je l'Ortles (3.902 m.), logât inte zone ocidentâl de provincie di Bolzan.
Intal arc setentrionâl, al confin con l'Austrie, si slargjin lis Alps Daesinis, che e rivin ae massime altece di 3.764 m. dal Weisskugel. Des Alps Daesinis e fâs part ancje la Piche d'Italie (2.911 m.), il pont plui setentrionâl de intiere nazion taliane.
Inte valade dal Adis si cjatin i plui grandis abitâts de regjon, come Meran, Bolzan, Trent e Roverêt.
Storie
Grops lenghistics
Tal Trentin-Sud Tirôl a son presints trei grops lenghistics. Ancje se nol è pussibil vê dâts veramentri precîs, parcè che dome tal Sud Tirôl e je proviodude la declarazion di apartenence lenghistiche, cheste tabele e pues dâ une idee sule composizion lenghistiche de popolazion:
| Lenghe | Percentuâl |
|---|---|
| talian | ce. 65 % |
| todesc | ce. 32 % |
| ladin | ce. 3% |
Tal Trentin al si favele scuasit completamentri talian, cun comunitâts storichis gjermanofonis (Mochens e Cimbris); tal Sud Tirôl la maiorance de int e je invezit gjermanofone, cuntune fuarte minorance che e favele talian (cheste minorance e je ancje rivade al 35 %, par fermâsi in dì di vuei sul 25%).
Tal Trentin-Sud Tirôl e je presinte la minorance lenghistiche dai Ladins, che a favelin il ladin, une lenghe romanze. La cussì-clamade Ladinie, che e si slargje ancje tal teritori dal Venit, e comprind 5 valadis: Val Gardena (BZ), Val Badia (BZ), Val di Fassa (TN), Livinallongo del Col di Lana (BL) e tal teritori di Ampezzo (BL).
Ogni valade e à la so variant ladine, che dispes e je avonde difarente di chês altris. Chest al è stât un grand ingredei pal svilup culturâl e lenghistic fûr dai confins de aree dulà ch'al si favele il ladin dolomitic: par chest al si à pensât di creâ une lenghe standard ("ladin standard") che e metes dongje i aspiets plui simils dalis variantis ladinis, cjalant al model dal romanç (favelât tal Cjanton Grisons in Svuizare).
Economie
Traspuarts
Politiche
Aministrazion
La regjon e je dividude in dôs provinciis autonomis, Provincie di Trent (che al è ancje il cjâf lûc regjonâl) e Provincie di Bolzan. Lis provinciis a puedin cjapâ decisions su une vore di campis, come agricolture, comerci, lavôr, sanitât, scuele, traspuarts e vie indenant, creant di fat dôs regjons autonomis.
La presidence regjonâl e je a rotazion: intune legjislature i doi presidents des provinciis a comandin il consei ognidun par doi agns, gambiant ancje la sede de zonte fra Trent e Bolzan.
Zonte
Liste dai components de zonte regjonâl (dal 23 di Mai 2006):
- Lorenzo Dellai - president
- Luis Durnwalder - vizi-president
- Luisa Gnecchi - vizi-president e assessôr al ordinament dai ents locâi
- Martha Stocker - assessôr ae previdence e pensions integrativis
- Luigi Chiocchetti - assessôr ae valorizazion des minorancis etnichis regjonâls
Risultivis
- ↑ http://www.minud.it/index.php?id=726&L=5
- ↑ http://www.lingue.regione.fvg.it/Minor/fu/istituzione/presidente/dichiarazioni.htm
- ↑ http://www.friul.net/archivi_gnovis.php?r_mese=06&r_anno=2005&i=2
- ↑ http://www.ladinsdalfriul.org/jugn04.htm
- ↑ http://www.c11.tn.it/documenti/Documenti%20contabilit%E0/Approvazione%20Rendiconto%202003%20(A.C.).doc
- ↑ http://www.noeles.net/modules.php?name=News&file=article&sid=1418
Viôt ancje
Leams
- (talian) (todesc) Sît ufiziâl de regjon
| Regjons de Italie |  |
|---|---|
 Abruç |  Basilicade o Lucanie |  Calabrie |  Campanie |  Emilie-Romagne |  Lazi |  Ligurie |  Lombardie |  Marchis |  Molise |  Piemont |  Pulie |  Toscane |  Umbrie |  Venit |
|
cun statût di autonomie:  Friûl Vignesie Julie |  Sardegne |  Sicilie | Trentin-Sud Tirôl |  Val di Aoste |
|
