Georgi Zhukov
Wikipedia(e)tik
Georgi Konstantinovitx Zhukov (errusieraz: Гео́ргий Константи́нович Жу́ков) (1896ko abenduaren 1a - 1974ko ekainaren 18a) Sobiet Batasunako militarra izan zen, zein Bigarren Mundu Gerran Armada Gorriaren buruetakoa izan zen. Bere aginpean, alemaniarren erasoa geldiarazteaz gain, Ekialdeko Europan, Berlinen ere, sartzea lortu zen.
[aldatu] Bigarren Mundu Gerran
Stalinen garbiketetik libratuta, 1940an jeneral izendatu zuten.
Leningraden defentsarako, Kliment Vorotxilov laguntzera bidali zuten Zhukov. 1941eko urrian, Semion Timotxenko ordezkatzera deitu zioten. Erdiko fronteko buruan, Moskuko defentsa prestatu behar izan zuen alemaniarrak 30 kilometrora zeudela. Horretarako, japoniarrek eraso egingo ez zutelakoan, ekialdeko tropen garraioa antolatu zuen, batzuen ustez bere lorpen handiena. Honela, goi mailako tropen erreserba eskuratu ahal izan zuen. Saihestezina zirudien arren, Mosku ez zen alemaniarren eskuetan erori. Are gehiago, kontraerasoa abenduan jarri zuen abian.
1942an, aginteko bigarren komandante izendatuta, hegoaldeko frontera igorri zuten Stalingrad salbatzera. Alemaniako Seigarren Armadako erorketa ikuskatu zuen 1943an, agian milioi hildakoren kaltean.
Leningradeko setioaren lehen apurketa antolatu zuen. Halaber, 1943ko uztailean Kurskeko Batailako koordinatzailea izan zen. Kursk alemaniarren lehen porrot garrantzitsua izan zen, Stalingradekoa bezain erabakigarria.
Klimen Voroxiloven porrotaren ostean, Leningraden setioa gainditu zuen 1944ko urtarrilean. Orduan, Bagration Operazioa (izena Piotr Bagration Gerra Napoleondarretako errusiar-georgiar jeneralari zor zaio) zuzentzera joan zen. Agian Bigarren Mundu Gerrako operazio handienaren buruan, Alemaniaren kontrako azken erasoa burutu zuen 1945ean. Berlin apirilean hartuta, maiatzaren 8an, bere aurrean, ofizial alemaniarrek errendizioa sinatu zuten.
