Nelson Mandela
Da Wikipedia.
Artéccol in dialètt mudnés 
Nelson Rolihlahla Mandela, OM (Qunu, Transkei, 18 lój 1918) l'è stê al prémm Presidèint d'al Sudafrica dôp la fîn d'l'apartheid. Per dimòndi tèimp un dî chêp dal muvimèint anti-apartheid, l'à urganizê anca dî aziòun ed sabutâg' e d'guêra. In dal 1993 l'à avû al Premio Nobel per la pês. Segreghê e ingabiê per lónghi ân sòta i Guéren sudafricàni pro-apartheid prémma dî ân '90, l'è incô cunsiderê da tótt un curagiôs lutadôr per la libertê. Al námm Madiba, tétol unuréfich druê da i mèmber vèci d'la sô famélia, l'è dvintê in Sudafrica sinònem ed "Nelson Mandela".
